జగన్‌పై రగులుతున్న రాయలసీమ నేతలు

జగన్‌పై రగులుతున్న రాయలసీమ నేతలు

పైకి కనిపించడం లేదు కానీ టీటీడీ పాలకమండలి ఏర్పాటు వైసీపీలో నిప్పు రాజుకున్నట్లే ఉంది. ఎవరూ బయటకు మాట్లాడలేకపోయినా అసంతృప్తితో రగిలిపోతున్నట్లుగా తెలుస్తోంది. ముఖ్యంగా రాయలసీమలో దీనిపై ఆగ్రహం పెల్లుబుకుతోంది.

 ఏపీకి చెందినవారి కంటే ఇతర రాష్ట్రాలవారే ఎక్కువ మంది ఉన్నారని... ఇంకా చెప్పాలంటే రాయలసీమకు అసలు ప్రాధాన్యమే దక్కలేదని మండిపడుతున్నారు. అంతేకాదు.. ఈ బోర్డును రద్దు చేయాలన్న డిమాండ్ మొదలైంది. దీంతో ఇది ముందముందు జగన్‌కు ఆయన ప్రభుత్వానికి తలనొప్పలు తేవడం ఖాయమని భావిస్తున్నారు.

తాజాగా దీనిపై రాయలసీమ పోరాట సమితి మండిపడింది. ఏపీతో పాటు తెలంగాణ,  తమిళనాడు, కర్ణాటక, ఢిల్లీ, మహారాష్ట్ర నుంచి పలువురికి స్థానం కల్పించగా, తిరుమల తిరుపతి దేవస్థానాన్ని తెలంగాణ తిరుపతి దేవస్థానంగా మార్చారని రాయలసీమ పోరాట సమితి కన్వీనర్‌ నవీన్‌ కుమార్‌ రెడ్డి విమర్శలు గుప్పించారు. ఈ బోర్డును రద్దు చేయాల్సిందేనని ఆయన డిమాండ్ చేశారు.

భక్తులు పరమ పవిత్రంగా భావించే తిరుమలపై కళంకితులకు చోటు కల్పించారని ఆయన ఓ ప్రకటనలో ఆరోపించారు. ఈ బోర్డు వద్దే వద్దని అన్నారు. కాగా, బీజేపీ సైతం బోర్డుపై నిరసన వ్యక్తం చేస్తున్న సంగతి తెలిసిందే. ఏపీకి చెందిన దేవాలయంలో రాష్ట్రానికి చెందిన సభ్యులతో పోలిస్తే, ఇతర ప్రాంతాలకు చెందిన వారే ఎక్కువగా ఉన్నారని పలువురు విమర్శలు గుప్పిస్తున్నారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English