జ‌గ‌న్ మెచ్చిన టాప్ - 5 మంత్రులు వీళ్లే..

జ‌గ‌న్ మెచ్చిన టాప్ - 5 మంత్రులు వీళ్లే..

జ‌గ‌న్ ముఖ్య‌మంత్రిగా బాధ్య‌త‌లు చేప‌ట్టి సుమారు వంద‌రోజులు కావొస్తోంది. ఈ వంద రోజుల్లో పాల‌నాప‌రంగా జ‌గ‌న్ త‌న‌దైన ముద్ర‌వేసేందుకు ప్ర‌య‌త్నం చేస్తున్నారు. ఇదే క్ర‌మంలో మంత్రుల ప‌నితీరుపై కూడా ఆయ‌న అత్యంత స‌న్నిహితుల ద్వారా ఆరా తీస్తున్నారు.

ఇందులో ప్ర‌ధానంగా జ‌గ‌న్ రెండు అంశాల‌ను ప‌రిగ‌ణ‌లోకి తీసుకుంటున్న‌ట్లు తెలుస్తోంది. ప్ర‌తిప‌క్షానికి ఏమాత్రం అవ‌కాశం ఇవ్వ‌కుండా ఎవ‌రు స‌మాధానం చెబుతున్నారు..?  ఇదే స‌మ‌యంలో పార్టీకి అత్యంత విధేయులుగా ఎవ‌రు ఉంటున్నారు..?  అన్న అంశాల ఆధారంగా జ‌గ‌న్ కీల‌క నిర్ణ‌యం తీసుకుంటార‌నే టాక్ వినిపిస్తోంది.

ఈ క్ర‌మంలో ఇప్పుడు ఆస‌క్తిక‌ర‌మైన చ‌ర్చ జ‌రుగుతోంది. కేబినెట్ ఏర్పాటు సంద‌ర్భంగా మంత్రుల ప‌ద‌వీకాల ప‌రిమితి రెండున్న‌రేళ్లు మాత్ర‌మేన‌ని జ‌గ‌న్ చెప్పారు. ఆ త‌ర్వాత కొత్త‌వాళ్లు వ‌స్తార‌ని కూడా ఆయ‌న సూటిగా చెప్పేశారు. వీరిలో 90 శాతం మంత్రుల‌ను మారుస్తాన‌ని కూడా చెప్పారు. అయితే.. ఇప్పుడు 25మంది మంత్రుల్లో ఎవ‌రు ఐదేళ్లు కొన‌సాగుతారు..? ఎవ‌రు రెండేళ్ల‌కు ప‌రిమితం అవుతారు.? అన్న‌దానిపై అనేక ఊహాగానాలు వినిపిస్తున్నాయి. ఇందులో ప్ర‌ధానంగా వినిపిస్తోంది. ఏమిటంటే.. ఐదుగురు మంత్రులు మాత్ర‌మే ముఖ్య‌మంత్రి జ‌గ‌న్ మెచ్చిన జాబితాలో ఉన్న‌ట్లు తెలుస్తోంది.

జ‌గ‌న్ మెచ్చిన ఐదుగురు మంత్రుల జాబితాలో మొద‌టి స్థానంలో  మోపిదేవీ వెంకటరమణ అనే చర్చ జరుగుతోంది. మోపిదేవి వెంకట రమణ మొన్నటి ఎన్నికల్లో గుంటూరు జిల్లా రేపల్లె లో పోటీచేసి ఓడిపోయారు. ఆయ‌న గ‌త రెండు ఎన్నిక‌ల్లోనూ ఓడారు. అయినా పార్టీ పెట్టినప్పటి నుంచి తనతో నడిచిన మోపిదేవీని ఎమ్మెల్సీ చేసి మరీ జగన్ కేబినెట్ లో చోటు కల్పించారు జ‌గ‌న్‌. ఇక వైఎస్ కేబినెట్ లో మంత్రిగా ఉండి ఆయన మరణానంతరం జగన్ వెంట నడిచిన మరో కీలక నేత పిల్లి సుభాష్ చంద్రబోస్. ఈయ‌న రెండో స్థానంలో ఉన్న‌ట్లు తెలుస్తోంది. అందులోనూ బీసీ నేత కావడంతో ప‌ద‌వికాలం ఐదేళ్లు ఉంటుంద‌నే టాక్ వినిపిస్తోంది.

బోస్ వైఎస్ కుటుంబానికి వీర విధేయుడు. ఆయ‌న కూడా గ‌త రెండు ఎన్నిక‌ల్లోనూ... ఇంకా చెప్పాలంటే ఉప ఎన్నిక‌తో క‌లుపుకుని మూడుసార్లు వ‌రుస‌గా ఓడారు. అయినా ఆయ‌న‌కు జ‌గ‌న్ మంత్రి ప‌ద‌వి ఇచ్చారు. ఇక ప్రతిపక్షంలో ఉండగా జగన్ కు అన్నిర‌కాలుగా అండ‌గా నిలిచిన చిత్తూరు జిల్లాకు చెందిన మంత్రి పెద్దిరెడ్డి రాంచంద్రరెడ్డి. వైసీపీ సీనియర్ నేతల్లో ఒక‌రు, ఉత్త‌రాంధ్ర‌లో కీల‌క నేత‌ బొత్సా సత్యనారాయణ, పాదయాత్రలో జగన్ కు తోడుగా నడిచిన నేత బాలినేని శ్రీనివాసరెడ్డిలు కూడా ఐదేళ్లు మంత్రులుగా కొన‌సాగుతార‌నే టాక్ వినిపిస్తోంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English