తెలంగాణ‌లో ఐఏఎస్‌ల 'రాజ‌కీయం' ఏం జ‌రుగుతోంది..?

తెలంగాణ‌లో ఐఏఎస్‌ల 'రాజ‌కీయం' ఏం జ‌రుగుతోంది..?

తెలంగాణ‌లో ఉరుములు లేని పిడుగులా.. ఐఏఎస్ అధికారుల నుంచి ప్ర‌భుత్వంపై తీవ్ర ఒత్తిడి పెరిగింది. త‌మ‌కు ప్రాధా న్యం లేకుండా పోయింద‌ని, త‌మ టాలెంటును వినియోగించుకోవ‌డంలో ప్రభుత్వం దృష్టి పెట్ట‌డం లేద‌ని ఆరోపిస్తూ.. ఐఏఎస్ అధికారి ఆకునూరి ముర‌ళి.. వీఆర్ ఎస్‌కు అప్ల‌యి చేశారు. త‌న‌కు వ‌చ్చేనెల 1 నుంచి రిలీవ్ కావాల‌ని ఆయ‌న కోరారు. దీంతో ఒక్క‌సారిగా అస‌లు తెలంగాణ‌లో ఏం జ‌రుగుతోంద‌నే విష‌యం చ‌ర్చ‌కు వ‌చ్చింది. సాధార‌ణంగా ఐఏఎస్ ల‌ను ఏయే ప‌నుల‌ను నియోమించుకోవాలి?  వారి సీనియార్టీ ఎంత‌?  వారి గ‌త ప‌నులు ఏమిటి?  రికార్డు ఎలా ఉంది? అనే అంశాల‌ను ప‌రిగ‌ణ‌న‌లోకి తీసుకుని.. వారికి కీల‌క‌మైన పోస్టులు ఇస్తుంటారు.

ఈ విష‌యంలో ప్ర‌భుత్వంలోని అధినేత‌ల ఇష్టాను సార‌మే అధికారులు ప‌నిచేయాల్సి ఉంటుంది. లేదా త‌మ‌కు అన్యాయం జ‌రిగింద‌ని భావిస్తే.. నేరుగా ట్రైబ్యున‌ళ్ల‌ను ఆశ్ర‌యించి న్యాయ పోరాటం చేయ‌డం ద్వారా.. వారు కోరుకున్న ప‌ద‌వు ల‌ను పొందే అవ‌కాశం కూడా ఉంది. గ‌తంలో మ‌న ఉమ్మ‌డి ఏపీలోనూ ఇలా అన్యాయానికి గురైన అధికారులు యూపీఎస్సీ ట్రైబ్యునళ్ల‌ను ఆశ్ర‌యించి న్యాయం పొందారు. వాస్త‌వానికి ఇదీ విధానం.

అయితే, ఇప్పుడు ఏకంగా ఓ సీనియ‌ర్ ఐఏఎస్ ఇలాంటి నిబంధ‌న‌ల మార్గంలో ప‌య‌నించ‌కుండా.. మీడియాకు ఎక్కారు. తాను ఎస్సీ వ‌ర్గానికి చెందిన అధికారిని కాబ‌ట్టే.. త‌న‌ను ప్ర‌భుత్వం ప్రాధాన్యం లేని పోస్టులో నియ‌మించింద‌ని ఆయ‌న ఆరోపించ‌డం ద్వారా త‌న విష‌యాన్ని చాలా రాజ‌కీయం చేయాల‌ని నిర్ణ‌యించుకున్న‌ట్టు తెలుస్తోంది.

ఇక‌, ఈ ఆకునూరి ముర‌ళి విష‌యానికి వ‌స్తే.. ఆయ‌న ట్రాక్ రికార్డులోనే కొన్ని మంచితో పాటు మ‌రికొన్ని కీల‌క అంశాల‌పై తీవ్ర వివాద‌మై.. స‌మాజానికి సంజాయిషీ చెప్పిన ప‌రిస్తితి నెల‌కొంది. త‌న కుమార్తెకు ప్ర‌భుత్వ ఆసుప‌త్రిలో పురుడు పోయించి ఆద‌ర్శ క‌లెక్ట‌ర్‌గా గుర్తింపు పొందిన ఈయ‌నే.. త‌ర్వాత కాలంలో డ‌ర్టీ బ్రాహ్మ‌ణిజం.. అంటూ బ్రాహ్మ‌ణ వ‌ర్గాల‌పై నోరు పారేసుకున్నారు. అంతేకాదు, మ‌రో సంద‌ర్భంలో ఆవు కూడా ఓ జంతువే.. తింటే త‌ప్పేంటి? అంద‌రూ తినాలి కూడా అంటూ.. తానే స్వ‌యంగా గో మాంసాన్ని ఓ ద‌ళిత వాడ‌లో పంచి మ‌రింత వివాదానికి కేంద్ర బిందువుగా మారారు.

ఈ నేప‌థ్యంలోనే కేసీఆర్ ప్ర‌భుత్వం ఆయ‌న ప్రాధాన్యాన్ని త‌గ్గించి క‌లెక్ట‌ర్‌గా ప‌క్క‌న పెట్టింది. ఆయ‌న చేసిన వ్యాఖ్య‌లు రాష్ట్రంలో ఇటీవ‌ల వ‌ర‌కు కూడా బ్రాహ్మ‌ణులు-ముస్లింల మ‌ధ్య తీవ్ర వివాదాన్ని రేపాయి. అయితే, కేసీఆర్ జోక్యం చేసుకుని బ్రాహ్మ‌ణుల‌కు స‌ర్ది చెప్ప‌డంతో ప‌రిస్థితి చ‌క్క‌బ‌డింది. ఇలాంటివి జ‌రిగిన‌ప్పుడు ఎవ‌రు బాధ్యులు? అనేది ప్ర‌ధాన ప్ర‌శ్న‌.

త‌మ‌కు ఏదో అన్యాయం జ‌రిగింద‌ని బాధ‌ప‌డే క‌లెక్ట‌ర్‌లు బాధ్య‌తా యుతంగా ఉండాల్సిన అవ‌స‌రాన్ని గుర్తించ‌క పోవ‌డం.. బాధాక‌రం కాదా? అనేది మ‌రో ప్ర‌శ్న‌. ఇక‌, ఎన్నిక‌ల స‌మ‌యంలో కాంగ్రెస్‌కు కొంద‌రు ఐఏఎస్‌లు స‌హ‌క‌రిచండం కూడా ఇప్పుడు అధికారంలో ఉన్న టీఆర్ ఎస్‌కు కోపం క‌లిగించేదే!! మొత్తానికి ప్ర‌స్తుతం ఏర్ప‌డిన ఐఏఎస్ రాజ‌కీయం ఏ మ‌లుపు తిరుగుతుందో చూడాలి.


 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English