కేసీఆర్ కీల‌క‌ నిర్ణ‌యం.. జ‌గ‌న్ ఏం చేస్తారో..!

కేసీఆర్ కీల‌క‌ నిర్ణ‌యం.. జ‌గ‌న్ ఏం చేస్తారో..!

రాష్ట్ర విభ‌జ‌న త‌ర్వాత తెలుగు రాష్ట్రాల ప్ర‌భుత్వాలు తీసుకుంటున్న నిర్ణ‌యాలు, చేస్తున్న ప‌నుల‌ను ప్ర‌జ‌లు పోల్చి చూస్తున్నారు. ముఖ్యంగా సంక్షేమ ప‌థ‌కాలు, అమ‌లు విష‌యంలో ఇది ఎక్కువ‌గా క‌నిపిస్తోంది.

ఇక ముఖ్య‌మంత్రులు కేసీఆర్‌, జ‌గ‌న్‌లు స్నేహ‌పూర్వ‌కంగా ఉంటున్న నేప‌థ్యంలో ఏపీలో తీసుకుంటున్న నిర్ణ‌యాల‌ను తెలంగాణ ప్ర‌జ‌లు, తెలంగాణ‌లో తీసుకుంటున్న నిర్ణ‌యాల‌ను ఏపీ ప్ర‌జ‌లు ఆస‌క్తిక‌రంగా గ‌మ‌నిస్తున్నారు. ఈ క్ర‌మంలోనే నిన్నజ‌రిగిన‌ తెలంగాణ కేబినెట్ భేటీలో ముఖ్య‌మంత్రి కేసీఆర్ సంక్షేమం దిశ‌గా మ‌రో కీల‌క నిర్ణ‌యం తీసుకున్నారు. 57 ఏళ్లు నిండిన వారికి వృద్ధాప్య పింఛన పథకం అమలు చేయాలని ఆమోదించారు.

నిజానికి.. వృద్ధాప్య పింఛన్ల అర్హత వయోపరిమితిని 65 సంవత్సరాల నుంచి 57 సంవత్సరాలకు తగ్గిస్తామని అసెంబ్లీ ఎన్నిక‌ల ప్ర‌చారం సంద‌ర్భంగా టీఆర్ఎస్ అధినేత‌, ముఖ్య‌మంత్రి కేసీఆర్ ప్ర‌జ‌ల‌కు చెప్పారు. ఇప్పుడు అదే హామీని నెర‌వేర్చే దిశ‌గా నిర్ణ‌యం తీసుకోవ‌డంపై తెలంగాణ వ్యాప్తంగా హ‌ర్షాతిరేకాలు వ్య‌క్త‌మ‌వుతున్నాయి.

57 సంవత్సరాలు నిండిన పేద వృద్ధుల జాబితాను వెంటనే రూపొందించాలని అధికారులను మంత్రివర్గం కోరడంతో.. యంత్రాంగం ఆ దిశ‌గా క‌స‌ర‌త్తు ప్రారంభించింది. అది కూడా ఎంత తొంద‌ర‌గా వీలైతే.. అంత తొంద‌ర‌గా ల‌బ్ధిదారుల జాబితాను రూపొందిచించి, దానిప్ర‌కారం పింఛ‌న్లు అందించాల‌ని  నిర్ణ‌యించారు.

ఇప్ప‌టివ‌ర‌కు వృద్ధుల‌కు ఇస్తున్న రూ.1,000 పింఛ‌న్‌ను ఇక నుంచి రూ.2016గా ఇవ్వ‌నున్నారు.  పింఛన్ల పెంపునకు సంబంధించిన ఉత్తర్వులను ఈ నెల 20న రాష్ట్రంలోని అన్ని నియోజకవర్గాల వారీగా లబ్ధిదారులకు అందించాలని కేసీఆర్ నిర్ణ‌యించారు. అయితే.. కేసీఆర్ నిర్ణ‌యంపై ఇప్పుడు ఏపీలో ఆస‌క్తిక‌ర‌మైన చ‌ర్చ జ‌ర‌గుతోంది. ఏపీ వృద్ధాప్య పింఛ‌న్ అర్హ‌త 60ఏళ్ల‌కు ఉంది.

తెలంగాణ‌లో 57ఏళ్ల‌కే వృద్ధాప్య పింఛ‌న్ ఇవ్వాల‌ని నిర్ణ‌యం తీసుకోవ‌డంతో.. ఏపీ ముఖ్య‌మంత్రి జ‌గ‌న్ కూడా ఆ దిశ‌గా ఆలోచిస్తార‌నే టాక్ మొద‌లైంది. తెలుగు రాష్ట్రాల సీఎంలు కేసీఆర్‌, జ‌గ‌న్‌లు స్నేహ‌పూర్వ‌కంగా ఉంటున్న విష‌యం తెలిసిందే. ఈ నేప‌థ్యంలో జ‌గ‌న్ కూడా కీల‌క నిర్ణ‌యం తీసుకునే అవ‌కాశం ఉంద‌ని ప‌లువురు విశ్లేష‌కులు అభిప్రాయ‌ప‌డుతున్నారు.

అలాగే.. వితంతువులు, బీడీ కార్మికులు, గీత కార్మికులు, నేత కార్మికులు, ఒంటరి మహిళలు, బోదకాలు వ్యాధిగ్రస్తులు, ఎయిడ్స్‌ వ్యాధిగ్రస్తులకు ఇస్తున్న పింఛన్‌ను రూ.1,000 నుంచి రూ.2,016కు పెంచాలని సీఎం కేసీఆర్‌ నిర్ణయించారు. దివ్యాంగులు, వృద్ధ కళాకారుల పింఛన్‌ను రూ.1,500 నుంచి రూ.3,016కు పెంచాలని నిర్ణయించారు. అయితే.. పెంచిన పింఛన్‌ను 2019 జూన్‌ నుంచి అమలు చేస్తారు.

జూలై నెలలో లబ్ధిదారులకు అందిస్తారు. జూలై 20న అసెంబ్లీ నియోజకవర్గాల వారీగా లబ్ధిదారులకు పెంచిన పింఛన్లకు సంబంధించిన ప్రొసీడింగ్స్‌ అందిస్తారు. ఈ నిర్ణ‌యాలు ఏపీ ప్ర‌భుత్వంపై ఎలాంటి ప్ర‌భావం చూపుతాయో చూడాలి మ‌రి.
 

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English