రోజాకు విజయశాంతి మద్దతు

రోజాకు విజయశాంతి మద్దతు

ఏపీలో కొత్తగా ఏర్పడిన జగన్ ప్రభుత్వంలో మంత్రి పదవి దొరకని ఆ పార్టీ సీనియర్ లీడర్ ఆర్కే రోజాకు అనుకోని వ్యక్తి నుంచి మద్దతు దొరికింది. రోజాను కేబినెట్లోకి తీసుకుని ఉంటే బాగుండేదని.. సినీ నటులను రాజకీయాల్లో ప్రచారానికి వాడుకుని వదిలేయడం కాకుండా మంత్రిని చేస్తే ప్రజలకు మరింత సేవ చేసే అవకాశం ఉంటుందని అభిప్రాయపడ్డారు.

ట్విటర్ వేదికగా తన మనసులో మాట చెప్పిన విజయశాంతి.. ‘ఏపీ కేబినెట్‌ కూర్పుపై కూడా నా అభిప్రాయాన్ని తెలియజేయాలని అనుకుంటున్నాను. మిగిలిన మహిళలకు అవకాశాలు కల్పించడంతో పాటు సినీ రంగానికి చెందిన ఎమ్మెల్యే రోజాకు కూడా జగన్‌ తన మంత్రివర్గంలో స్థానం కల్పించి ఉంటే బాగుండేది. సినీ రంగం నుంచి రాజకీయాల్లోకి వచ్చిన వారిని కేవలం ప్రచారానికే పరిమితం చేయకుండా వారి సేవలు వినియోగించుకుని తగిన గుర్తింపు ఇస్తే బాగుంటుంది. రాబోయే రోజుల్లోనైనా జగన్‌.. రోజా విషయంలో సానుకూల నిర్ణయం తీసుకుంటారని ఆశిస్తున్నాను’ అని విజయశాంతి ట్వీట్ చేశారు.

అదే సమయంలో ఆమె మంత్రివర్గంలో మహిళలకు స్థానం కల్పించడంతో పాటు ఉప ముఖ్యమంత్రి పదవి కూడా ఇచ్చిన జగన్‌ను చూసైనా టీఆరెస్ ప్రభుత్వం మారాలంటూ చురకలేశారు. ‘ప్రతిపక్షాలను నిర్వీర్యం చేయడం మీదే తెరాస అధినేత, తెలంగాణ సీఎం కేసీఆర్‌ దృష్టిసారిస్తు్న్నారు. కానీ తెలంగాణకు సంబంధించిన ప్రధాన సమస్యలపై ఆయన దృష్టి పెట్టిన దాఖలాలు కనిపించడం లేదు. తెలంగాణ రాష్ట్రం ఏర్పడి ఐదేళ్లు గడిచినా ఇంకా పరిష్కారం కానీ సమస్యలు అనేకం తెలంగాణలో మహిళా మంత్రులకు అవకాశం ఇవ్వకుండా కేసీఆర్‌ ఐదేళ్లు గడిపేశారు.

రెండోసారి అధికారంలోకి వచ్చిన తర్వాత కూడా మహిళలకు తన మంత్రివర్గంలో స్థానం కల్పించకపోవడంపై విమర్శలు వెల్లువెత్తాయి. పొరుగు రాష్ట్రమైన ఆంధ్రప్రదేశ్‌లో ముఖ్యమంత్రిగా బాధ్యతలు చేపట్టిన వైఎస్‌ జగన్‌ తన మంత్రివర్గంలో మహిళలకు ఉప ముఖ్యమంత్రి పదవితో పాటు హోంశాఖను కేటాయించడంపై జాతీయ స్థాయిలో పెద్ద ఎత్తున చర్చ జరుగుతోంది. కనీసం ఇది చూసైనా కేసీఆర్‌ మహిళలకు తన మంత్రివర్గంలో స్థానం కల్పిస్తారా?లేక గత ఐదేళ్ల కాలంలో మహిళా మంత్రులకు స్థానం ఇవ్వకుండా కేబినెట్‌  కొనసాగించిన పరిస్థితి మళ్లీ పునరావృతం అవుతుందా అనే ప్రశ్న ఉత్పన్నమవుతోంది’ అని విజయశాంతి అన్నారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English