`టైమ్‌`నాలిక మ‌డ‌త‌ప‌డింది..కార‌ణం మోదీ

`టైమ్‌`నాలిక మ‌డ‌త‌ప‌డింది..కార‌ణం మోదీ

మీడియా సంస్థ‌లు కొన్ని సంద‌ర్భాల్లో అవ‌స‌రార్థం స్పందిస్తుంటాయ‌ని... వాస్త‌వాల కంటే త‌మ అభిప్రాయాల‌కే విలువ ఇస్తుంటాయ‌నే ఒక అప‌ప్ర‌ద కొన్ని వ‌ర్గాల్లో ఉంది. స‌రిగ్గా అలాంటి అప‌ప్ర‌ద‌నే అంత‌ర్జాతీయంగా సుప్ర‌సిద్ధ‌మైన `టైమ్‌`ప‌త్రిక ఇప్పుడు మూట‌గ‌ట్టుకుంది. భారత విభజన సారథి అని కొద్ది వారాల క్రితం ప్రధాని నరేంద్రమోదీపై వివాదాస్పద శీర్షికన కవర్ స్టోరీ ప్రచురించిన ప్రఖ్యాత టైమ్ మ్యాగజైన్ తాజాగా తన స్వరం మార్చింది. కొన్ని దశాబ్దాలుగా ఏ ప్రధానికీ సాధ్యం కాని రీతిలో మోదీ భారత్‌ను ఏకం చేశారని తాజా ఆర్టికల్‌లో ప్రశంసించింది. త‌ద్వారా త‌న ద్వంద్వ రీతిని చాటుకుంది.

లండన్ కేంద్రంగా పనిచేస్తున్న ఇండియా ఇంక్ గ్రూప్ మీడియా సంస్థ వ్యవస్థాపకులు, చీఫ్ ఎగ్జిక్యూటివ్ మనోజ్ లాద్వా .. దశాబ్దాలుగా ఏ ప్రధాని చేయలేని విధంగా మోదీ భారత్‌ను ఏకం చేశారు అనే శీర్షికన ఈ వ్యాసం రాశారు. లోక్‌సభ ఎన్నికల్లో బీజేపీ అఖండ విజయం సాధించిన కొద్దిరోజులకే టైమ్ మ్యాగజైన్ ఈ కథనం ప్రచురించడం గమనార్హం. మోదీ విధానాలపై ఆయన పదవీకాలంలోనూ, ఎన్నికల సమయంలోనూ తీవ్రమైన, పలుమార్లు విమర్శలు వ్యక్తమయ్యాయి. గత ఐదు దశాబ్దాలలో ఏ ప్రధానికీ సాధ్యం కాని రీతిలో మోదీ భారత ఓటర్లను ఏకం చేశారు అని లాద్వా రాశారు. 2014 ఎన్నికల్లో మోదీ తరఫున రీసెర్చ్ అనాలిసిస్ అండ్ మెసేజింగ్ డివిజన్‌కు లాద్వా సారథ్యం వహించారు. భారత్‌కు రెండోసారి ప్రధానిగా మోదీ ఎన్నికైన నేపథ్యంలో ఆయన ఇంకా చాలా చేయాల్సి ఉందన్నారు. ఐదేళ్లుగా భారత్‌లోని అసమర్థ, అవినీతి బ్యూరోక్రసీలో లొసుగులకు చరమగీతం పాడిన మోదీ.. ఈసారి వ్యవస్థలను సంస్కరించి, రానున్న దశాబ్దాలకు అనుగణంగా తీర్చిదిద్దడంపై దృష్టిసారించాల్సిన అవసరం ఉందన్నారు. మోదీ స్వప్నిస్తున్న నవభారతానికే ఓటర్లు ప్రాధాన్యమిచ్చారని విశ్లేషించారు.

అయితే, ఈ క‌థ‌నానికి తోడుగా, త‌న వెబ్‌సైట్లో కూడా ఇంకో క‌థ‌నం రాసింది. ``భారత ఆర్థిక వ్యవస్థకు కఠిన సంస్కరణలు అవసరం: ప్రజాతీర్పును మోదీ ఎలా వినియోగించుకుంటారు?`` అనే శీర్షికతో మరో కథనం టైమ్ వెబ్‌సైట్లో ప్రచురించారు. కౌన్సిల్ ఆన్ ఫారిన్ రిలేషన్స్ సంస్థలో ఇండియా, పాకిస్థాన్, దక్షిణాసియా వ్యవహారాల సీనియర్ ఫెలో అలిస్సా ఐర్స్ ఈ కథనాన్ని రాశారు. మోదీ పారిశ్రామిక అనుకూల దృక్పథం వల్ల అమెరికా పారిశ్రామిక వర్గాల్లో సంస్కరణవాదిగా పేరొందారన్నారు. 2010-13 మధ్య అమెరికా మాజీ అధ్యక్షుడు బరాక్ ఒబామా హయాంలో డిప్యూటీ అసిస్టెంట్ సెక్రటరీ ఆఫ్ స్టేట్‌గా కూడా ఆమె బాధ్యతలు నిర్వహించారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English