నాకు మంత్రి ప‌ద‌వి వ‌ద్దు..తెలుగు ఎంపీ సంచ‌ల‌న ప్ర‌క‌ట‌న‌

నాకు మంత్రి ప‌ద‌వి వ‌ద్దు..తెలుగు ఎంపీ సంచ‌ల‌న ప్ర‌క‌ట‌న‌

తెలంగాణ ముఖ్య‌మంత్రి, టీఆర్ఎస్ పార్టీ అధినేత కేసీఆర్‌కు అత్యంత స‌న్నిహితుడు అనే ముద్ర ఉన్న క‌రీంన‌గ‌ర్ ఎంపీ బోయినప‌ల్లి వినోద్‌కుమార్‌ను ఓడించ‌డం ద్వారా ఒక్క‌సారిగా తెర‌మీద‌కు వ‌చ్చారు బీజేపీ నేత బండి సంజ‌య్‌. హోరాహోరీగా సాగిన పోరులో సంజ‌య్ విజ‌యం సాధించారు. దీంతో, కేంద్రంలో ఏర్ప‌డిన బీజేపీ ప్ర‌భుత్వంలో ఆయ‌న‌కు కేంద్ర‌ మంత్రి ప‌ద‌వి ద‌క్క‌నుంద‌నే వార్త‌లు వ‌స్తున్నాయి. అయితే, అవి నిజం కావ‌ని...అస‌లు త‌న‌కు మంత్రి ప‌ద‌వే వ‌ద్ద‌ని సంజ‌య్ సంచ‌ల‌న ప్ర‌క‌ట‌న చేశారు.

బీజేపీ ఎంపీగా గెలిచిన తర్వాత మొదటిసారిగా కరీంనగర్‌లో ఏర్పాటు చేసిన విలేక‌రుల స‌మావేశంలో బండి సంజ‌య్ మీడియాతో మాట్లాడారు. సామాన్య కార్యకర్తగా ఉన్న తనను ఎంపీగా గెలిపించిన ప్రజలకు ధన్యవాదాలు తెలిపిన‌ బండి సంజయ్ ప్ర‌జాసమస్యల పరిష్కారం కోసం కృషి చేస్తా.. లేదంటే పోరాటం చేస్తానన్నారు. ఎన్నికల ముందు వరకే రాజకీయాలన్న సంజయ్… ఇకపై అభివృద్ధి కోసం పనిచేద్దామని మిగతా పార్టీలను కోరుతున్నానన్నారు.పేదలే సంక్షేమమే ధ్యేయంగా పనిచేయడంతో పాటు..గ్రామగ్రామాన బీజేపీని మరింత బలోపేతం చేస్తామన్నారు.పార్లమెంట్ సమావేశాలకు, కరీంనగర్ ప్రజల పనుల కోసం తప్ప ఢిల్లీ వెళ్లనని…ఇక్కడే ప్రజల మధ్య ఉంటానని స్పష్టం చేశారు.

పెండింగ్ లో ఉన్న స్మార్ట్ సిటీ పనులకోసం అవసరమైతే మరిన్ని నిధులు తెస్తామని ఎంపీ బండి సంజయ్ తెలిపారు .కేంద్ర నిధులతో రాష్ట్రంలో అనేక పనులు జరుగుతున్నాయన్నారు. అయితే అవన్నీ రాష్ట్ర పథకాలేనని ప్రజలు అనుకుంటున్నారని చెప్పారు. హిందూ సమాజాన్ని సంఘటితం చేసేందుకు ఎప్పటిలాగే అన్ని కార్యక్రమాల్లో పాల్గొంటానన్నారు. అంతేకాదు.. 29న హనుమాన్ జయంతి సందర్భంగా కరీంనగర్ లో హిందూ ఏక్తా యాత్ర నిర్వహిస్తామని చెప్పారు. ఎంపీగా అవకాశం రావడమే గొప్ప.. మంత్రి పదవిపై ఆశలేదని ఎంపీ బండి సంజయ్ అన్నారు. సోషల్ మీడియాలో వస్తున్న వార్తలు తప్పని ఆయ‌న ఖండించారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English