అఫీషియల్ : బైలింగ్యువల్ సినిమాలో సమంత

టాలీవుడ్ లో స్టార్ హీరోయిన్ గా దూసుకుపోతున్న సమంత ఈ మధ్యకాలంలో వెబ్ సిరీస్ లు, టీవీ షోలు అంటూ చాలా బిజీగా గడుపుతోంది. బాలీవుడ్ లో ఆమె నటించిన ‘ది ఫ్యామిలీ మ్యాన్ 2’ సిరీస్ సమంత క్రేజ్ ను మరింత పెంచింది. ఈ సిరీస్ తరువాత సమంతకు బాలీవుడ్ నుంచి వరుస అవకాశాలు వస్తున్నాయి. రీసెంట్ గానే ఆమె ఓ సినిమా సైన్ చేసినట్లు వార్తలు వచ్చాయి. త్వరలోనే దీనిపై అధికార ప్రకటన రానుంది. ఇదిలా ఉండగా.. తాజాగా సమంతకు సంబంధించిన ఓ సినిమా అప్డేట్ బయటకొచ్చింది.

నూతన దర్శకుడు శాంతరూబేన్ జ్ఞానశేఖరన్ రూపొందించనున్న ఓ బైలింగ్యువల్ లో సమంత నటించబోతుంది. కార్తీ నటించిన ‘ఖైదీ’, ‘సుల్తాన్’, సూర్య నటించిన ‘ఎన్జీకే’ లాంటి సినిమాలను నిర్మించిన డ్రీమ్ వారియర్ పిక్చర్స్ సంస్థ ఈ సినిమాను రూపొందించబోతుంది. కోలీవుడ్ కు చెందిన ఈ ప్రొడక్షన్ హౌస్ ఇప్పుడు తెలుగులో కూడా సత్తా చాటాలని చూస్తుంది. ప్రస్తుతం శర్వానంద్ హీరోగా ‘ఒకే ఒక జీవితం’ అనే సినిమాను తెరకెక్కిస్తోంది ఈ సంస్థ.

ఇప్పుడు సమంత హీరోయిన్ గా బైలింగ్యువల్ సినిమాను అనౌన్స్ చేసింది. దీనికి సంబంధించిన ఫస్ట్ లుక్ ను విడుదల చేశారు. ఇందులో సమంత వైట్ కలర్ డ్రెస్ వేసుకొని సింపుల్ లుక్ తో కనిపించింది. ఈ మధ్యకాలంలో తన వ్యక్తిగత జీవితంలో జరిగిన కొన్ని సంఘటనల వలన సమంత కెరీర్ పరంగా బిజీ అవ్వాలని నిర్ణయించుకుంది. అందుకే వరుస సినిమాలను అంగీకరిస్తుంది. ప్రస్తుతం ఈ బ్యూటీ తమిళంలో విజయ్ సేతుపతి హీరోగా నటిస్తోన్న ఓ సినిమాలో నటిస్తోంది.