ఒబామాను క‌లిసిన మ‌న‌ రైతు మోడీ ప‌రువు తీసేశాడు

ఒబామాను క‌లిసిన మ‌న‌ రైతు మోడీ ప‌రువు తీసేశాడు

ఆరుగాలం కష్టపడి.. ఎండనకా.. వాననకా.. తన రక్తాన్ని చెమటగా మార్చి పంట పండిస్తే కనీసం గిట్టుబాటు ధర కూడా దక్కకపోవడంతో ఆ రైతు వినూత్న నిరసన తెలిపాడు. అయితే, ఆ నిర‌స‌న ఏకంగా ప్ర‌పంచం దృష్టిని ఆక‌ర్షించేలా ఉంద‌ని అంటున్నారు.

ఈ ఆవేద‌న‌లో కూడా ప్ర‌ధాన‌మంత్రి న‌రేంద్ర‌మోడీ అవాక్కయ్యే రీతిలో ఉందంటున్నారు. రైతు పంటకు పెట్టుబడి కన్నా 50 శాతం లాభం వచ్చేలా చూస్తామని కేంద్ర ప్రభుత్వం గొప్పలు చెబుతుండగా.. కనీసం పెట్టుబడి కూడా తిరిగి రాకపోవడంతో ఆ రైతు తీవ్ర మనోవేదనకు గురయ్యాడు.

మ‌హారాష్ట్రకు చెందిన రైతు నాలుగు నెలలు కష్టపడి 750 కిలోల ఉల్లిగడ్డను పండిస్తే మార్కెట్లో దానిని రూ.1,064కు అమ్ముకోవాల్సి వచ్చింది. దీంతో చెమ్మగిల్లిన కండ్లతో ఆ రైతు వచ్చిన సొమ్మును ఇంటికి తీసుకుపోవడానికి ఇష్టపడక ఆ డబ్బును ప్రధానమంత్రి మోడీకి పంపాడు.

వివ‌రాల్లోకి వెళితే....నాసిక్ జిల్లాకు చెందిన రైతు సంజయ్ సాథి ఆదర్శ రైతు. 2010లో అప్పటి అమెరికా అధ్యక్షుడు ఒబామా భారత్ పర్యటన సందర్భంగా ఆయనతో ముఖాముఖి కోసం ఎంపిక చేసిన ఆదర్శ రైతుల్లో సంజయ్ సాథి ఒకరు. అలాంటి విశిష్ట‌త‌ను పొందిన ఈ రైతుకు తాజాగా తీవ్ర షాక్ ఎదురైంది.

తాను పండించిన 750 కిలోల ఉల్లిగడ్డను అమ్మడానికి నిపాడ్ మార్కెట్‌కు గత వారం తీసుకెళ్లాడు. అక్కడ కిలో ఉల్లిగడ్డను ఒక్క రూపాయికి కొంటుండగా...చివరికి రూ.1.40పైసలు ధర పలికింది. దీంతో తీవ్ర ఆవేదనకు గురైన సంజయ్ సాథి వచ్చిన సొమ్మును(రూ.1,064) ప్రధాని విపత్తుల నిర్వహణ నిధికి పంపాడు. అంతేకాదు.. ఈ సొమ్మును మనీ ఆర్డర్ చేయడానికి రూ.54ను తన జేబులో నుంచి ఖర్చు చేశాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English