వెంకీ వెబ్ సిరీస్ కూడా రీమేకే..!

సీనియర్ హీరో వెంకటేష్ తన కెరీర్ లో ఎక్కువగా రీమేక్ సినిమాలు చేశారు. ఆయన సినిమాల లిస్ట్ చూస్తే ఈ విషయం అర్ధమవుతుంది. ఈ ఏడాదిలో ఆయన నటించిన ‘నారప్ప’, ‘దృశ్యం 2’ సినిమాలు కూడా రీమేక్ సినిమాలనే సంగతి తెలిసిందే. ఇదిలా ఉండగా.. తాజాగా వెంకటేష్, రానాతో కలిసి ఓ వెబ్ సిరీస్ చేయబోతున్నారు. నెట్ ఫ్లిక్స్ సంస్థ ఈ సిరీస్ ను నిర్మించబోతోంది. దీనికి ‘రానా నాయుడు’ అనే టైటిల్ ను ఫిక్స్ చేశారు. త్వరలోనే ఈ సిరీస్ కు సంబంధించిన షూటింగ్ ను మొదలుపెట్టనున్నారు.

అయితే ఇప్పుడు ఈ సిరీస్ కూడా రీమేక్ కావడం విశేషం. హాలీవుడ్ లో తెరకెక్కిన క్రైమ్ సిరీస్ ‘రే డోనవన్'(Ray Donovan) అక్కడ సూపర్ సక్సెస్ అయింది. చాలా మంది ఇండియన్స్ కూడా ఈ సిరీస్ చూసేశారు. ఇప్పుడు ఈ సిరీస్ కు ఇండియన్ వెర్షన్ గా ‘రానా నాయుడు’ని తెరకెక్కిస్తున్నారు. ఆల్రెడీ ఇది సక్సెస్ అయిన కథే కాబట్టి తెలుగులో కూడా ఈ క్రైమ్ సిరీస్ సక్సెస్ అవుతుందని నమ్ముతున్నారు.

ప్రస్తుతం వెంకటేష్.. అనీల్ రావిపూడి దర్శకత్వంలో ‘ఎఫ్3’ సినిమాలో నటిస్తున్నారు. షూటింగ్ దశలో ఉన్న ఈ సినిమాను సంక్రాంతికి విడుదల చేయాలనుకున్నారు కానీ ఇప్పుడు ఆ టైమ్ కి వస్తుందో రాదో తెలియని పరిస్థితి. మరోపక్క రానా నటించిన ‘విరాటపర్వం’ సినిమా విడుదలకు సిద్ధంగా ఉంది. అలానే ఆయన నటిస్తోన్న ‘భీమ్లా నాయక్’ సినిమా 2022 సంక్రాంతి బరిలో దిగనుంది.