ఈసారి రామ్‍ చరణ్‍ బ్రేక్‍ వేసాడు


రామ్‍ చరణ్‍కు కరోనా సోకడంతో పధ్నాలుగు రోజుల పాటు క్వారంటైన్‍లో వుండాలి. దీని వల్ల ఆర్‍.ఆర్‍.ఆర్‍. షూటింగ్‍కి మరోసారి బ్రేక్‍ పడింది. ఆలియా భట్‍తో చరణ్‍ చేయాల్సిన సన్నివేశాలను రాజమౌళి జనవరి మొదటి వారం నుంచి ప్లాన్‍ చేసాడు. నిహారిక పెళ్లి పనులతో చరణ్‍ బిజీగా వున్న టైమ్‍లో ఆలియా హైదరాబాద్‍కి వచ్చి తన సోలో సీన్స్ కోసం పది రోజుల పాటు వర్క్ చేసి వెళ్లింది. హీరో హీరోయిన్ల కాంబినేషన్‍ సీన్లు జనవరి నుంచి ప్లాన్‍ చేయగా, చరణ్‍ రెండు వారాల పాటు అందుబాటులో వుండడు కనుక ఆమె షెడ్యూల్‍ కూడా ఇప్పుడు వాయిదా వేయాల్సి వుంటుంది.

ఆర్‍.ఆర్‍.ఆర్‍. పూర్తి చేసి తన బాలీవుడ్‍ కమిట్‍మెంట్స్కి డేట్స్ ఇవ్వాలనుకున్న ఆలియా ప్లాన్స్ ఇప్పుడు అప్‍సెట్‍ అవుతాయి. చరణ్‍ వుండడు కనుక ఆర్‍.ఆర్‍.ఆర్‍.కి సంబంధించిన వేరే వర్క్ ముందుకు జరుపుతారో లేక అంతవరకు షూటింగ్‍ వాయిదా వేస్తారో తెలియదు. కరోనా కారణంగా ఏడెనిమిది నెలలు మూత పడిన చిత్ర పరిశ్రమకు ఇలా నటీనటులు, సాంకేతిక నిపుణులు కరోనా బారిన పడుతూ వుండడం వల్ల అంతరాయాలు తప్పడం లేదు. వేగంగా షూటింగ్‍ పూర్తి చేయాలని ఎంత ప్లాన్‍ చేసుకున్నా కానీ పలు చిత్రాల షూటింగులకు బ్రేక్స్ పడుతూనే వున్నాయి.