ప‌వ‌న్ టాటూ వేశాడేంట‌బ్బా..

ప‌వ‌న్ టాటూ వేశాడేంట‌బ్బా..

పవ‌ర్ స్టార్ ప‌‌వ‌న్ క‌ళ్యాణ్ సినిమాల్లోకి రీఎంట్రీ ఇస్తున్నాడ‌ని తెలిసిన‌ప్ప‌టి నుంచి అభిమానుల ఉత్సాహం మామూలుగా లేదు. ఆయ‌న రీఎంట్రీ మూవీ మొద‌లైన రోజు నుంచి ఆయ‌న మీద స్పెష‌ల్ ఫోక‌స్ పెట్టేశారు. లొకేష‌న్ నుంచి ఒక మ‌స‌క మ‌స‌క ఫొటో బ‌య‌టికి వ‌స్తే దాన్ని పెట్టి ఎన్ని ఫ్యాన్ మేడ్ పోస్ట‌ర్లు రెడీ చేశారో? ఈ ఫొటోతో టీష‌ర్టులు కూడా బ‌య‌టికి వ‌చ్చేయ‌డం విశేషం.

ఇక గురువారం క్రిష్ సినిమా షూటింగ్‌లో పాల్గొని ఆ త‌ర్వాత సాయంత్రానికి ఓ రాజ‌కీయ కార్య‌క్రమానికి ప‌వ‌న్ హాజ‌రు కాగా.. రెండేళ్ల త‌ర్వాత గ‌డ్డం లేకుండా క్లీన్ షేవ్‌లోకి ప‌వ‌న్ మారేస‌రికి ఫ్యాన్స్ చాలా ఎగ్జైట్ అవుతున్నారు. ఈ లుక్ అద‌ర‌హో అంటూ సోష‌ల్ మీడియాలో సంబ‌రాలు చేసుకుంటున్నారు.

ఈ సంద‌ర్భంగా కొంద‌రు సూక్ష్మ దృష్టితో ప‌వ‌న్ చేతి మీద ఉన్న ఒక టాటూను గుర్తించి దాని మీద ఆస‌క్తిక‌ర చ‌ర్చ‌లు మొద‌లుపెట్టేశారు. ప‌వ‌న్ నైజం తెలిసిన ఎవ‌రైనా అత‌ను ఒంటిపై స‌ర‌దా కోసం టాటూ వేసుకుంటార‌ని అనుకోరు. అది క‌చ్చితంగా క్రిష్ సినిమా కోస‌మే అయ్యుంటుంద‌ని న‌మ్ముతున్నారు. ఆ టాటూ గ‌ద్ద‌ను పోలి ఉండ‌గా.. మొగ‌ళుల కాలంలో బంది పోట్లు ఇలాంటి ప‌చ్చ‌బొట్లు వేసుకునేవార‌ని.. ప‌వ‌న్ చేస్తున్న‌ది ఆ కాలం నాటి దొంగ పాత్రే అని.. అదీ ఈ టాటూ వెనుక స్టోరీ అని క‌థ‌నాలు అల్లేస్తున్నారు నెటిజ‌న్లు.

ఈ క‌థెంత వ‌ర‌కు నిజ‌మో కానీ.. క్రిష్ ద‌ర్శ‌క‌త్వంలో ప‌వ‌న్ న‌టిస్తున్న సినిమా అయితే ఆషామాషీగా ఉండ‌ద‌ని సినీ ప్రియులు న‌మ్ముతున్నారు. ఎ.ఎం.ర‌త్నం నిర్మిస్తున్న ఈ చిత్రంలో ప‌వ‌న్ స‌ర‌స‌న కియారా అద్వానీ న‌టించ‌నున్న‌ట్లు వార్త‌లొస్తున్న సంగ‌తి తెలిసిందే.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English