బాల‌య్య దాతృత్వం.. అస‌లు క‌థ ఇదీ

బాల‌య్య దాతృత్వం.. అస‌లు క‌థ ఇదీ

ల‌క్ష్మీస్ ఎన్టీఆర్ సినిమాలో ఎన్టీఆర్ పాత్ర పోషించిన విజ‌య్ కుమార్ అనే రంగ‌స్థ‌ల న‌లుడి భార్య క్యాన్స‌ర్ బారిన ప‌డింద‌ని.. ఇది తెలిసిన నంద‌మూరి బాల‌కృష్ణ ఆమెకు త‌న బ‌స‌వ‌తార‌కం ఆసుప‌త్రిలో ఉచితంగా చికిత్స ఇప్పిస్తున్నార‌ని రెండు రోజులుగా సోష‌ల్ మీడియాలో గ‌ట్టిగా ప్ర‌చారం జ‌రుగుతున్న సంగ‌తి తెలిసిందే. ఇందులో నిజానిజాలు తెలియ‌క జ‌నాలు క‌న్ఫ్యూజ్ అయిపోతున్నారు. ఐతే దీనిపై స్ప‌ష్ట‌త ఇవ్వ‌డానికి విజ‌య్ కుమారే ఓ మీడియా సంస్థ‌తో మాట్లాడాడు. ఆయ‌న అస‌లు విష‌యం చెప్పారు.

విజ‌య్ కుమార్ భార్య‌కు బ్రెస్ట్ క్యాన్స‌ర్ వ‌చ్చిన మాట వాస్త‌వ‌మేన‌ట‌. ఆమెకు బ‌స‌వ‌తార‌కం ఆసుప‌త్రిలో చికిత్స జ‌రుగుతున్న మాట కూడా వాస్త‌వం. ఐతే ఇక్క‌డ బాల‌య్య ప్ర‌త్యేకంగా చేస్తున్న‌దేమీ లేద‌ని విజ‌య్ కుమార్ స్ప‌ష్టం చేశాడు. త‌న భార్య‌కు క్యాన్స‌ర్ అని త‌న స‌న్నిహితుల‌కు మాత్ర‌మే తెలుస‌ని.. ఆమెకు ఆంధ్రా ప్రాంతంలోనే స‌ర్జ‌రీ చేయించామ‌ని.. కీమోథెర‌పీకి బాగుంటుంద‌ని ఎవ‌రో చెబితే బ‌స‌వ‌తార‌కం ఆసుప‌త్రికి తీసుకొచ్చి చికిత్స చేయిస్తున్నామ‌ని.. ఈ విష‌యం బాల‌య్య‌కు తెలియ‌క‌పోవ‌చ్చ‌ని విజ‌య్ కుమార్ అన్నాడు.

ఆయ‌న‌కు తెలిస్తే సాయం చేసేవాడేమో అని అత‌ను చెప్పాడు. త‌న భార్య గురించి తెలిసి బాల‌య్య బ‌స‌వ‌తార‌కంలో చికిత్స ఇప్పిస్తున్న‌ట్లుగా సోష‌ల్ మీడియాలో జ‌రుగుతున్న ప్ర‌చారం అబ‌ద్ధ‌మ‌ని విజ‌య్ కుమార్ స్ప‌ష్టం చేశాడు. ఇదిలా ఉంటే ల‌క్ష్మీస్ ఎన్టీఆర్ సినిమాకు సంబంధించి మీకు పారితోష‌కం అంద‌లేద‌ట‌గా అని అడిగితే.. దాని గురించి మాట్లాడ్డం త‌న‌కిష్టం లేద‌ని ఆయ‌న స‌మాధానం దాట‌వేశాడు.


 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English