వెంకీ మామ నిలబడ్డాడబ్బా..

వెంకీ మామ నిలబడ్డాడబ్బా..

ఈ రోజుల్లో కొత్త సినిమాల సందడంతా వీకెండ్ వరకే పరిమితం అవుతోంది. టాక్ ఎలా ఉన్నప్పటికీ వారాంతం వరకు భారీగా వసూళ్లు రాబట్టుకుని.. ఆ తర్వాత వీక్ అయిపోతున్నాయి. సోమవారం పరీక్షను తట్టుకుని నిలబడే సినిమాలు చాలా తక్కువగా ఉంటున్నాయి. మంచి టాక్ తెచ్చుకున్న సినిమాలకు సైతం సోమవారం వసూళ్లలో చాలా డ్రాప్ కనిపిస్తూ ఉంటుంది. ఇక టాకక్ డివైడ్‌గా ఉంటే మాత్రం అంతే సంగతులు.

70-80 శాతం వసూళ్ల డ్రాప్‌తో ఆశలు నీరుగారిపోతున్నాయి. బయ్యర్లు బెంబేలెత్తిపోతున్నారు. ఐతే గత శుక్రవారం రిలీజైన ‘వెంకీ మామ’ మాత్రం మండే టెస్టును కాచుకుంది. ఈ సినిమాకు టాక్ ఏమంత బాగా లేని నేపథ్యంలో వీకెండ్ జోరు ఆ తర్వాత కొనసాగకపోవచ్చని.. సోమవారం వసూళ్లలో మేజర్ డ్రాప్ ఉంటుందని అంచనా వేశారు ట్రేడ్ అనలిస్టులు.

కానీ సోమవారం రెండు తెలుగు రాష్ట్రాల్లో ఈ చిత్రం రూ.2 కోట్ల షేర్‌ సాధించి బయ్యర్లు ఊపిరి పీల్చుకునేలా చేసింది. తొలి మూడు రోజుల్లో వసూళ్ల మోత మోగించిన ‘వెంకీ మామ’ తెలుగు రాష్ట్రాల్లో రూ.16 కోట్లకు పైగానే షేర్ సాధించడం విశేషం. వరల్డ్ వైడ్ షేర్ రూ.20 కోట్లు దాటింది. సోమవారం నైజాంలో రూ.80 లక్షల దాకా షేర్ రాబట్టిన ‘వెంకీ మామ’.. ఏపీలో రూ.1.2 కోట్ల దాకా షేర్ దక్కించుకుంది.

వరల్డ్ వైడ్ నాలుగో రోజు షేర్ రూ.2.5 కోట్ల దాకా ఉంది. మొత్తంగా ఈ సినిమా షేర్ రూ.24 కోట్ల దాకా ఉంది. ఫుల్ రన్లో రూ.32 కోట్ల షేర్ సాధిస్తే బ్రేక్ ఈవెన్ మార్కును దాటుతుందీ చిత్రం. సోమవారం లాగే ఈ వారం అంతా వసూళ్లు నిలకడగా ఉంటే సినిమా హిట్ స్టేటస్ అందుకోవడం కష్టమేమీ కాకపోవచ్చు. ఐతే ఈ వారం ‘ప్రతి రోజూ పండగే’, ‘రూలర్’ సహా ఇంకో రెండు సినిమాలు రిలీజవుతున్నాయి. వీటి పోటీని తట్టుకుని వీకెండ్లో ఓ మోస్తరు వసూళ్లు సాధించిన ‘వెంకీ మామ’ బయటపడ్డట్లే.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English