శ్వేత బ‌సు ప్ర‌సాద్.. ఏడాదికే విడాకులు

శ్వేత బ‌సు ప్ర‌సాద్.. ఏడాదికే విడాకులు

శ్వేత బ‌సు ప్ర‌సాద్.. తెలుగు ప్రేక్ష‌కులు అంత సులువుగా మ‌రిచిపోలేని పేరు. హీరోయిన్‌గా ఆమె తెలుగులో చేసిన తొలి సినిమా కొత్త బంగారు లోకం ఎంత పెద్ద హిట్ట‌యిందో.. టీనేజీలోనే చ‌క్క‌టి న‌ట‌న‌తో శ్వేత ఎంత‌గా ఆక‌ట్టుకుందో కొత్త‌గా చెప్పాల్సిన ప‌ని లేదు. కానీ ఆ సినిమా స‌క్సెస్ త‌ర్వాత కెరీర్‌ను స‌రిగా ప్లాన్ చేసుకోవ‌డంలో విఫ‌ల‌మైంది శ్వేత‌.

పూర్తిగా లైమ్ లైట్‌కు దూర‌మైన స‌మ‌యంలో వ్య‌భిచారం కేసులో ఆమె అరెస్ట‌వ‌డం.. దీనిపై మీడియాలో పెద్ద ఎత్తున చ‌ర్చ జ‌ర‌గ‌డం.. దీంతో ఆమె హైద‌రాబాద్ వ‌దిలి ముంబ‌యికి వెళ్లిపోయి అక్క‌డ సినీ, టీవీ రంగంలో స్థిర‌ప‌డ‌టం తెలిసిందే. ఏడాది కింద‌ట శ్వేత పెళ్లి వార్త‌తో మ‌ళ్లీ మీడియాలో నానింది.

వివాదాల‌న్నీ ప‌క్క‌న పెట్టి శ్వేత పెళ్లియ చేసుకుని బాగానే సెటిలైంద‌ని అనుకున్నారంతా. కానీ పెళ్లి జ‌రిగిన ఏడాదికే ఆమె త‌న భ‌ర్త రోహిత్ మిట్ట‌ల్‌ నుంచి విడిపోవ‌డం ఆశ్చ‌ర్యం క‌లిగించే విష‌యం. స్వ‌యంగా శ్వేతే  ఈ విష‌యాన్ని వెల్ల‌డించింది. ‘‘నేను, రోహిత్‌ పరస్పర అంగీకారంతో విడిపోవాలని నిర్ణయించుకున్నాం. కొన్ని నెలల పాటు బాగా ఆలోచించి ఇటీవల ఈ నిర్ణయం తీసుకున్నాం. ప్రతి పుస్తకాన్ని పూర్తిగా చదవలేం. దానర్థం అది చెడు పుస్తకమని కాదు.. దాన్ని మనం చదవలేమని కూడా కాదు. కొన్ని విషయాల్ని పూర్తిగా తెలుసుకోకుండా మధ్యలో వదిలేయడమే మంచిది. మధుర జ్ఞాపకాల్ని మిగిల్చి, నాలో స్ఫూర్తి నింపినందుకు ధన్యవాదాలు రోహిత్‌. నీ జీవితం గొప్పగా ఉండాలని కోరుకుంటున్నా’’ అని శ్వేత సోష‌ల్ మీడియాలో పెట్టిన పోస్టుతో భ‌ర్త నుంచి వేరుప‌డ్డ విష‌యాన్ని ధ్రువీక‌రించింది.


 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English