విజయ్ వెర్సస్ పార్వతి.. మధ్యలో ట్విట్టర్

విజయ్ వెర్సస్ పార్వతి.. మధ్యలో ట్విట్టర్

‘అర్జున్ రెడ్డి’ సినిమా రిలీజై రెండేళ్లు దాటింది. కానీ ఇంకా ఆ సినిమా వార్తల్లో నిలుస్తుండటం ఆశ్చర్యం కలిగించే విషయమే. ఐతే ఎక్కువగా నెగెటివ్‌గానే ఈ సినిమా వార్తల్లో ఉండటం గమనార్హం. తాజాగా ఫిల్మ్ కంపానియన్ అధినేత అనుపమ చోప్రా ఇండియాలోని వివిధ ఫిలిం ఇండస్ట్రీల నుంచి సెలబ్రెటీల్ని పిలిచి ఒక చర్చా కార్యక్రమం నిర్వహించిన సంగతి తెలిసిందే. అందులో టాలీవుడ్ నుంచి విజయ్ దేవరకొండ ప్రాతినిధ్యం వహించాడు.

బాలీవుడ్ నుంచి రణ్వీర్ సింగ్, దీపికా పదుకొనే, ఆలియా భట్, మనోజ్ బాజ్‌పేయి.. కోలీవుడ్ నుంచి విజయ్ సేతుపతిలతో పాటు మలయాళ పరిశ్రమ నుంచి పార్వతి ఈ కార్యక్రమంలో పాల్గొన్నారు. ఈ చర్చ చాలా వరకు సుహృద్భావ వాతావరణంలో సరదాగానే సాగిపోయింది.

ఐతే బోల్డ్ కామెంట్లతో తరచూ వివాదాలు రాజేసే పార్వతి.. విజయ్‌కు పేరు తెచ్చిన ‘అర్జున్ రెడ్డి’ మీద నెగెటివ్ కామెంట్లు చేయడంతో అక్కడి వాతావరణం కొంచెెం ఇబ్బందికరంగా మారింది. ‘అర్జున్ రెడ్డి’.. దాని హిందీ వెర్షన్ ‘కబీర్ సింగ్’లో అభ్యంతరకర సన్నివేశాలు చాలా ఉన్నాయని.. హీరోయిన్ మీద హీరో చేయి చేసుకోవడం ఏంటని ప్రశ్నించింది పార్వతి. ప్రేమ గాఢతను తెలియజేయడానికి ఇలా కొట్టాలా అని ఆమె అంది.

ఇలాంటి విషయాల్ని గ్లోరిఫై చేయడం కరెక్ట్ కాదంది. ఐతే దీనికి విజయ్ మరో చోట అయితే ఇంకోలా సమాధానం ఇచ్చేవాడేమో. కానీ ఇలాంటి కార్యక్రమంలో వాదనలు అనవసరం అని ఈ వ్యాఖ్యల్ని లైట్ తీసుకున్నాడు. సింపుల్‌గా సర్దిచెప్పే ప్రయత్నం చేశాడు. అంతటితో వ్యవహారం ముగిసిపోలేదు. దీని మీద ట్విట్టర్లో పెద్ద చర్చ నడిచింది. కొందరు పార్వతి భలేగా మాట్లాడిందని పొగిడితే.. ఇంకొందరు ఆమె అతి చేసిందంటూ విమర్శలు గుప్పించారు.

ఆ ఈవెంట్లో సైలెంటుగా ఉన్న విజయ్‌కి ట్విట్టర్లో ఈ గొడవ చూసి కోపమొచ్చింది. పార్వతి మీద తనకెలాంటి కోపం లేదని.. ఆమె అంటే గౌరవం ఉందని.. ట్విట్టర్లో జనాలే ఇడియట్ల లాగా ప్రవర్తిస్తూ అసహనానికి గురి చేస్తున్నారని అతను ఫ్రస్టేట్ అయిపోయాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English