కోటి రూపాయల్తో పండగ చేసుకుంటున్న యాంకర్‌

కోటి రూపాయల్తో పండగ చేసుకుంటున్న యాంకర్‌

టీవీ యాంకర్‌ శ్రీముఖి బిగ్‌బాస్‌ టైటిల్‌ని గెలవలేకపోయింది కానీ పారితోషికంగా కోటి రూపాయలు తీసుకుందనేది వైరల్‌ అయింది. రోజుకి లక్ష రూపాయల పారితోషికం ఆమె అందుకుందని, కోటి రూపాయలు పైగానే ఆమెకి ఇచ్చారని, టాక్సులు పోను కోటి మిగిలే రేంజ్‌కి వంద రోజుల్లో గడించిందనే టాక్‌ వుంది. బిగ్‌బాస్‌ తర్వాత మిగతా వారంతా వెబ్‌ ఛానల్స్‌కి, టీవీ ఛానల్స్‌కి ఇంటర్వ్యూలు ఇస్తుంటే శ్రీముఖి మాత్రం తన గ్యాంగ్‌ని వేసుకుని మాల్దీవ్స్‌కి హాలిడేకి వెళ్లింది.

బిగ్‌బాస్‌ హౌస్‌లో పదిహేను వారాలు వుండడం గ్యారెంటీ అనేది ఆమెకి ముందే తెలుసు. ఆ గ్యారెంటీ మీదే ఆమెని షోకి తీసుకున్నారు. అయితే అది జనం పసిగట్టడం వలనే ఆమె టైటిల్‌ గెలుచుకోలేదు. షోకి వెళ్ల ముందు తనకి పాజిటివ్‌ తప్ప నెగెటివ్‌ లేదు. కానీ బిగ్‌బాస్‌ వలన చాలా హేట్‌ వచ్చింది. అందుకే ఆమె మీడియాని ఫేస్‌ చేయకుండా ఈ బిగ్‌బాస్‌ హీట్‌ తగ్గిపోయే వరకు అన్నిటికీ దూరంగా వుండాలని డిసైడ్‌ అయింది.

ఒప్పందం ప్రకారం స్టార్‌ మాకి ఆమె కొన్ని షోస్‌ చేయాలి కానీ అవి కూడా డిసెంబర్‌ తర్వాతే మొదలవుతాయని వినిపిస్తోంది. గెలిస్తేనే కాకుండా, ఓడిపోతే ఏం చేయాలనేది ప్రిపేర్‌ అయి వెళ్లినట్టుంది శ్రీముఖి అంటూ కామెంట్స్‌ పడుతున్నాయి.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English