బిగ్‌బాస్‌ అయ్యేవరకు ఆగండి బాస్‌

బిగ్‌బాస్‌ అయ్యేవరకు ఆగండి బాస్‌

బిగ్‌బాస్‌ షోని హోస్ట్‌ చేస్తోన్న నాగార్జున కనీసం ఎపిసోడ్లు చూడకుండా వచ్చేస్తున్నారని, స్క్రిప్ట్‌ ఫాలో అవుతున్నారని విమర్శలు వస్తున్నాయి. అయితే ఈ షో పేరు చెప్పి నాగార్జున పెయిడ్‌ హాలిడే ఎంజాయ్‌ చేస్తున్నారు. మన్మథుడు 2 చిత్రంతో తగిలిన ఎదురుదెబ్బ నుంచి కోలుకుని మళ్లీ సినిమాలు మొదలు పెట్టాలని వున్నా కానీ బిగ్‌బాస్‌ ఫినాలే అయిపోయే వరకు కథలు కూడా విననని తనకోసం ఎదురు చూస్తోన్న దర్శకులకి చెప్పేసారు.

బిగ్‌బాస్‌ ఫినాలే అక్టోబర్‌ 3న జరుగుతుంది. అది కాస్త లెంగ్తీ ఈవెంట్‌ కనుక నాగార్జున ఈలోగా ఎలాంటి స్ట్రెస్‌ తీసుకోవడం లేదు. తదుపరి ఏ చిత్రం చేయాలనే దానిపై ఆయన ఇంకా నిర్ణయానికి రాలేదు. బంగార్రాజు చేయాలని భావించినా కానీ నాగ చైతన్య కథ నచ్చలేదని తప్పుకున్నాడు. దీంతో నాగ్‌ సోలో చిత్రం చేయాలా లేక కాంబినేషన్‌లో చేయాలా అని డిసైడ్‌ కాలేదు. నాగార్జున అప్రూవల్‌ కోసం ముగ్గురు దర్శకులు వెయిటింగ్‌లో వున్నారు.

మరోవైపు అఖిల్‌ కెరియర్‌ని మలిచే బాధ్యతలని అల్లు అరవింద్‌ చేతిలో పెట్టేసారు. అతడిని సక్సెస్‌ఫుల్‌ హీరోగా నిలబెట్టమని చెప్పి సదరు చిత్రం గురించిన ఏ విషయంలోను నాగార్జున అసలు ఇన్‌వాల్వ్‌ అవడం లేదు. గతంలో మాదిరిగా అఖిల్‌తో సినిమా కోసమని స్టార్‌ డైరెక్టర్లతో కూడా చర్చలేం పెట్టట్లేదు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English