నో కాంప్ర‌మైజ్‌.. డిసెంబ‌రు 20నే ఆ సినిమా

నో కాంప్ర‌మైజ్‌.. డిసెంబ‌రు 20నే ఆ సినిమా

సంక్రాంతి సినిమాల స‌స్పెన్స్ ఇంకా తేల‌ట్లేదు. స‌రిలేరు నీకెవ్వ‌రు, అల వైకుంఠ‌పుర‌ములో.. ఇప్పుడు ప్ర‌క‌టించిన ప్ర‌కార‌మే ఒకే రోజు రిలీజ‌వుతాయా.. వెంకీ మామ సంక్రాంతి రేసులోకి వ‌స్తుందా అలా కాకుండా డిసెంబ‌ర్లోనే థియేట‌ర్ల‌లోకి దిగుతుందా.. సంక్రాంతికి ప‌క్కాగా రిలీజ‌య్యే సినిమాలు ఎన్ని అనే విష‌యంలో చాలా సందేహాలున్నాయి.

ఇంత‌కుముందు గ్యాంగ్ లీడ‌ర్‌, వాల్మీకి సినిమాలు ఒకే రోజు విడుద‌ల‌కు రెడీ అయితే ప్రొడ్యూస‌ర్స్ గిల్డ్‌లో కీల‌క పాత్ర‌ధారి అయిన దిల్ రాజు జోక్యం చేసుకుని డేట్లు మార్పించిన సంగ‌తి తెలిసిందే. కానీ సంక్రాంతి సినిమాల విష‌యంలో అలాంటి రాజీ ఏమీ క‌నిపించ‌ట్లేదు ఇప్ప‌టికైతే. స్వ‌యంగా రాజు ఇన్వాల్వ్ అయిన మ‌హేష్ సినిమాను బ‌న్నీ చిత్రానికి పోటీగా నిల‌బెట్టేశారు.

ఇదిలా ఉంటే.. వెంకీ మామ సినిమాను సంక్రాంతి రేసులో నిల‌ప‌కుండా దిల్ రాజు, అల్లు అర‌వింద్ గ‌ట్టిగా ప్ర‌య‌త్నిస్తున్నార‌ని.. క్రిస్మ‌స్ పండ‌క్కి ఆ చిత్రాన్ని విడుద‌ల చేసుకుంటే దానికి పోటీ లేకుండా మిగ‌తా సినిమాల్ని ప‌క్క‌కు త‌ప్పిస్తామ‌ని రాయ‌బారం న‌డుపుతున్న‌ట్లుగా ఒక ప్ర‌చారం న‌డుస్తోంది.

కానీ అలాంటిదేమీ లేద‌ని.. కాంప్ర‌మైజ్ అయ్యే ఛాన్సే లేద‌ని సంకేతాలు ఇస్తూ అల్లు అర‌వింద్ స‌మ‌ర్ప‌ణ‌లో తెర‌కెక్కుతున్న సినిమా ప్ర‌తి రోజూ పండ‌గేను క్రిస్మ‌స్ రేసులో నిల‌బెట్టేశారు. ఈ చిత్రాన్ని డిసెంబ‌రు 20న రిలీజ్ చేస్తున్న‌ట్లు ప్ర‌క‌టిస్తూ పోస్ట‌ర్ వ‌దిలేశారు. ఇక డిస్కో రాజా, భీష్మ సినిమాల సంగ‌తే తేలాల్సి ఉంది. మ‌రి వెంకీ మామ సంగ‌తేంటో తెలియాల్సి ఉంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English