వాళ్లని కళ్యాణ్‌రామ్‌ తట్టుకోగలడా?

వాళ్లని కళ్యాణ్‌రామ్‌ తట్టుకోగలడా?

సంక్రాంతికి చిరంజీవి, బాలకృష్ణ సినిమాలతో వచ్చిన తన చిత్రం ఘన విజయం సాధించిందని దర్శకుడు సతీష్‌ వేగేశ్న 'ఎంత మంచివాడవురా' కూడా సంక్రాంతికే విడుదల చేస్తానని పట్టుబట్టాడు. టీజర్‌లో కూడా సంక్రాంతికి వస్తోందనే హింట్‌ ఇచ్చాడు. అయితే 'శతమానం భవతి' సంక్రాంతికి వచ్చి పోటీని తట్టుకుందంటే అందుకు దిల్‌ రాజు ఫ్యాక్టర్‌తో పాటు అదొక్కటే ఫ్యామిలీ సినిమా కావడం కూడా కారణం.

కానీ ఈసారి మహేష్‌ 'సరిలేరు నీకెవ్వరు', అల్లు అర్జున్‌ 'అల వైకుంఠపురములో' రెండూ ఫ్యామిలీ ఎంటర్‌టైన్‌మెంట్‌ ప్రధానమైన చిత్రాలే. ఒకే జోనర్‌కి చెందిన చిత్రాలతో పోటీ పడితే 'ఎంత మంచివాడవురా'కి అటెన్షన్‌ దక్కడం కాస్త కష్టమే. సంక్రాంతికి భారీ చిత్రాలతో పాటు ఒక చిన్న సినిమాకి కూడా చోటు ఉంటుందనేది పలుమార్లు రుజువయినా కానీ ఈసారి పండక్కి బాగా దగ్గరగా విడుదలవుతోన్న భారీ చిత్రాలతో పోటీకి వెళ్లడం మాత్రం అంత శ్రేయస్కరం కాదు. అందుకే సంక్రాంతికి అనుకున్న కొన్ని చిత్రాలని డిసెంబర్‌కి తీసుకొచ్చారు.

అలాగే మరికొన్ని చిత్రాలని ఫిబ్రవరికి వాయిదా వేసారు. గత చిత్రం 'శ్రీనివాస కళ్యాణం'తో ఫెయిలయిన దర్శకుడు సతీష్‌ వేగేశ్న మాత్రం మహేష్‌, అల్లు అర్జున్‌ల పోటీని తట్టుకునే సత్తా తన సినిమాకి వుందనే నమ్ముతున్నాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English