సాహో డైరెక్ట‌ర్.. పొగ‌డ‌లేక, తిట్ట‌లేక‌

సాహో డైరెక్ట‌ర్.. పొగ‌డ‌లేక, తిట్ట‌లేక‌

త‌మ సినిమాల‌కు పాజిటివ్ రివ్యూలు వ‌చ్చిపుడు ఫిలిం మేక‌ర్స్ చాలా సంతోషిస్తారు. ఆ రివ్యూల్ని సోష‌ల్ మీడియాలో షేర్ కూడా చేస్తారు. మీడియాకు కృత‌జ్న‌త‌లు కూడా చెబుతారు. కానీ నెగెటివ్ రివ్యూలు వ‌స్తే మాత్రం త‌ట్టుకోలేరు. రివ్యూలు సినిమాల్ని చంపేస్తున్నాయంటూ మండిప‌డ‌తారు. హ‌రీష్ శంక‌ర్, జూనియ‌ర్ ఎన్టీఆర్ స‌హా ఈ జాబితాలో చాలామంది ప్ర‌ముఖులే ఉన్నారు.

ఈ జాబితాలోకి యువ ద‌ర్శ‌కుడు సుజీత్ కూడా వ‌చ్చాడు. సాహో సినిమాకు నెగెటివ్ రివ్యూలు రావ‌డం ప‌ట్ల అత‌ను త‌న అస‌హ‌నాన్ని ప్ర‌ద‌ర్శించాడు. కానీ పూర్తిగా స‌మీక్ష‌కుల్ని తిట్ట‌డానికి అత‌డికి మ‌న‌సు రాలేదు. ఎందుకంటే సుజీత్ తొలి సినిమా ర‌న్ రాజా ర‌న్ జ‌నాల‌కు చేరువైంది రివ్యూల వ‌ల్లే అనే విషయాన్ని అత‌ను అంగీక‌రించాడు.

దీంతో పాటు ఎన్నో సినిమాలకు స‌మీక్ష‌ల వ‌ల్ల ప్ర‌యోజ‌నం జ‌రిగింద‌నే విష‌యాన్ని ఒప్పుకున్నాడు సుజీత్. స‌మీక్ష‌కులంటే త‌న‌కు గౌర‌వం ఉంద‌ని.. ర‌న్ రాజా ర‌న్ సినిమాను మొద‌ట‌ చూసి చాలామంది బాగుంద‌ని అంటుంటే.. మీరు చెప్ప‌డం కాదు.. రివ్యూ వ‌చ్చే వ‌ర‌కు ఆగండి అన్నాన‌ని సుజీత్ చెప్పాడు. స‌మీక్ష‌ల్లో సినిమా బాగుంద‌ని మెచ్చుకున్నార‌ని.. అప్పుడే త‌న‌కు హిట్టు కొట్టిన ఆనందం క‌లిగింద‌ని.. స‌మీక్ష‌ల వ‌ల్ల సినిమా జ‌నాల్లోకి వెళ్లింద‌ని చెప్పాడు సుజీత్.

సాహో విష‌యంలో క్రిటిక్స్ వాళ్ల ప‌ని వాళ్లు చేశార‌ని.. ఐతే సాహో లాంటి పెద్ద సినిమాల‌కు తొంద‌ర‌ప‌డ‌కుండా ఒక పూట ఆగి రివ్యూలు ఇవ్వాల్సింద‌ని.. ప్రేక్ష‌కుల‌కు ఆలోచించుకునే స‌మ‌యం ఇస్తే బాగుండేద‌ని సుజీత్ అభిప్రాయ‌ప‌డ్డాడు. ఐతే స‌మీక్షలు ఎలా ఉన్నా.. సాహోకు ప్రేక్ష‌కుల స్పంద‌న ఓ రేంజిలో ఉంద‌ని.. భారీ వ‌సూళ్లే అందుకు నిద‌ర్శ‌నం అని చెప్పాడు సుజీత్.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English