బాలయ్య అల్లుడు చిరును పొగిడిన వేళ..

బాలయ్య అల్లుడు చిరును పొగిడిన వేళ..

ఎవరు ఒప్పుకున్నా ఒప్పుకోకున్నా.. మెగా, నందమూరి కుటుంబాల మధ్య సినిమాల పరంగానే కాక.. రాజకీయంగా కూడా వైరం ఉన్న మాట వాస్తవం. హీరోలు ఈ విషయాన్ని ఒప్పుకోకున్నా, పట్టించుకోకపోయినా.. అభిమానులు మాత్రం ఇదే భావనతో ఉంటారు. ఈ నేపథ్యంలో ఒక ఫ్యామిలీ వాళ్లు ఇంకో ఫ్యామిలీ వాళ్ల గురించి ఏం మాట్లాడినా ఆసక్తిగా చూస్తారు.

ఒక కుటుంబం వాళ్లు ఇంకో కుటుంబంలోని వాళ్లను పొగిడితే ఆశ్చర్యపోతారు. ఇప్పుడు నందమూరి బాలకృష్ణ చిన్న అల్లుడు శ్రీ భరత్.. మెగాస్టార్ చిరంజీవి గురించి చేసిన ఒక పాజిటివ్ వ్యాఖ్య సోషల్ మీడియాలో హాట్ టాపిక్‌గా మారింది.

ఈ ఇంటర్వ్యూలో భాగంగా యాంకర్.. మెగాస్టార్ చిరంజీవితో పోలిస్తే బాలయ్య కెరీర్లో వైవిధ్యమైన పాత్రలు.. పెర్ఫామెన్స్ ఓరియెంటెడ్ రోల్స్ తక్కువ చేశాడనే విషయాన్ని ప్రస్తావించాడు. దీనికి భరత్ బదులిస్తూ చిరంజీవి ఏ బ్యాగ్రౌండ్ లేకుండా కష్టపడి ఎదిగి వచ్చాడని.. ముందు నుంచే రకరకాల పాత్రలు చేయడం వల్ల కెరీర్ అంతా వైవిధ్యమైన క్యారెక్టర్లు చేసే అవకాశం లభించిందని అన్నాడు. బాలయ్య ఎన్టీఆర్ వారసుడిగా ఇండస్ట్రీలోకి అడుగు పెట్టాడని.. ఒక బ్యాగేజ్‌తో రావడం వల్ల చిరు స్థాయిలో వైవిధ్యమైన పాత్రలు ఎక్కువ చేయలేకపోయాడని అన్నాడు భరత్.

బాలయ్య అల్లుడు తన మావయ్యను కొంచెం తక్కువ చేసి మాట్లాడుతూ చిరు గురించి ఇలా పాజిటివ్ కామెంట్ చేయడం ఇటు నందమూరి, అటు మెగా అభిమానుల్ని ఆశ్చర్యానికి గురి చేసింది. ఈ సందర్భంగానే చిరు నటించిన ‘ఇంద్ర’ సినిమా అంటే తనకెంతో ఇష్టమని కూడా భరత్ చెప్పాడు. బాలయ్య చిత్రాల్లో ‘సమరసింహారెడ్డి’, ‘గౌతమీపుత్ర శాతకర్ణి’లను చాలా ఇష్టపడతానని భరత్ అన్నాడు. ఇదే ఇంటర్వ్యూలో టీడీపీకి జూనియర్ ఎన్టీఆర్ అవసరం లేదంటూ భరత్ చేసిన వ్యాఖ్య కూడా సంచలనం రేపుతోంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English