నిఖిల్‌ ఆ సినిమాలపై ఆశలు వదిలేసాడు

నిఖిల్‌ ఆ సినిమాలపై ఆశలు వదిలేసాడు

ఒక టైమ్‌లో వరుస విజయాలు సాధించి నిర్మాతలు తన ఇంటి ముందు క్యూ కట్టేలా చేసుకున్న నిఖిల్‌ సిద్ధార్థ్‌ చాలా మంది యువ హీరోలలానే ప్లానింగ్‌ సరిగా లేక త్వరగా ఇబ్బందుల్లో పడిపోయాడు. వరుసగా చేసిన సినిమాలతో పరాజయాలు కూడా వరుసగా రావడంతో నిఖిల్‌ చిత్రాలకి రిలీజ్‌ సమస్యలు కూడా మొదలయ్యాయి.

చాలా కాలంగా విడుదల కాని అర్జున్‌ సురవరం ఇక ఎప్పుడు రిలీజ్‌ అవుతుందనేది కూడా తెలియడం లేదు. అలాగే శ్వాస అనే మరో చిత్రాన్ని మొదలు పెట్టి కొద్ది రోజులు షూటింగ్‌ చేసాక ఆపేసారు.

ఒక విధమైన సందిగ్ధంలో చిక్కుకున్న టైమ్‌లో కార్తికేయ దర్శకుడు చందు మొండేటితో కార్తికేయ సీక్వెల్‌ ప్లాన్‌ చేసాడు. ఆ చిత్రం ఎట్టకేలకు మొదలవడంతో నిఖిల్‌ ఇక మిగిలిన సినిమాలని పక్కన పెట్టేసాడు.

కార్తికేయ 2 ఇటు నిఖిల్‌తో పాటు అటు చందు మొండేటికి కూడా కీలకమే. వరుసగా రెండు విజయాలు సాధించిన చందు 'సవ్యసాచి' పరాజయంతో వెనుకబడిపోయాడు.

ఆమధ్య అగ్ర హీరోలతో చేస్తాడని చెప్పుకున్నారు కానీ మళ్లీ తిరిగి తన తొలి హీరో దగ్గరికే వచ్చి ఆగాడు. కార్తికేయ ఎలాగయితే గుడి చుట్టూ వుండే మిస్టరీ ప్రధానంగా సాగుతుందో ఈ సీక్వెల్‌ని కూడా అలాగే విభిన్నమైన నేపథ్యంలో, సరికొత్త తారాగణంతో తెరకెక్కించబోతున్నారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English