ఆ సినిమా విషయంలో చేతులెత్తేసిన హీరో

 ఆ సినిమా విషయంలో చేతులెత్తేసిన హీరో

ఎలాగైనా 'అర్జున్‌ సురవరం'కి క్రేజ్‌ తీసుకు రావాలని నిఖిల్‌ శాయశక్తులా కృషి చేసాడు. అయితే ఈ చిత్రాన్ని సకాలంలో విడుదల చేయలేక నిర్మాతలు చాలా తంటాలు పడుతున్నారు. ఇప్పటికే పలుమార్లు విడుదల వాయిదా పడిన ఈ చిత్రానికి ఇంతవరకు రిలీజ్‌ డేట్‌ మాత్రం ఖరారు కాలేదు. ఈ చిత్రం విడుదల కోసం వేచి చూసి విసిగిపోయిన నిఖిల్‌ కూడా ఇక చేతులెత్తేసాడు.

లక్కీగా తనకి మలి చిత్రంగా కార్తికేయ సీక్వెల్‌ సెట్‌ అయింది. తన కెరియర్‌లోనే బిగ్గెస్ట్‌ హిట్‌ అయిన సినిమాకి సీక్వెల్‌, అది కూడా దర్శకుడు చందు మొండేటితో మళ్లీ ఛాన్స్‌ రావడంతో నిఖిల్‌ ఆనందానికి అవధులు లేకుండా పోయాయి. ప్రస్తుతం తన కెరియర్‌ గ్రాఫ్‌ చూస్తే చందు మొండేటి లాంటి దర్శకుడు దొరకడం చాలా కష్టం. వరుస వైఫల్యాలకి తోడు తన సినిమా సకాలంలో విడుదల కాలేనంత గడ్డు పరిస్థితిని చవిచూస్తున్నాడు.

ఇలాంటి సమయంలో ఇలాంటి క్రేజీ ప్రాజెక్ట్‌ సెట్‌ అవడంతో ఇక 'అర్జున్‌ సురవరం'ని నిలబెట్టడానికి వృధా ప్రయాస పడడం అనవసరమని నిఖిల్‌ డిసైడ్‌ అయిపోయాడు. ఇన్ని సార్లు వాయిదా పడి, పేరు కూడా మార్చుకున్న ఈ చిత్రానికి ఇక ఎప్పుడు విడుదలైనా పెద్దగా స్పందన వచ్చే అవకాశం లేదు. అందుకే తన ఎనర్జీ అంతా కార్తికేయ 2 మీదే పెట్టాలని నిఖిల్‌ నిర్ణయించుకున్నాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English