రగిలిపోతున్న ‘మహర్షి’ బయ్యర్లు

రగిలిపోతున్న ‘మహర్షి’ బయ్యర్లు

‘మహర్షి’ సినిమా అంతిమ ఫలితం ఏంటో ఎవరికీ అర్థం కావడం లేదు. చిత్ర బృందం ఏమో పోస్టర్ల మీద ఘనమైన స్టేట్మెంట్స్ ఇచ్చేస్తోంది. ఈ సినిమాను ‘ఎపిక్ బ్లాక్ బస్టర్‌’గా పేర్కొంటోంది. మహేష్ బాబు కెరీర్ బిగ్గెస్ట్ హిట్ల వసూళ్లను ‘మహర్షి’ వారంలోనే దాటేసిందని పేర్కొంటోంది. కానీ దిల్ రాజు సొంతంగా రిలీజ్ చేసుకున్న నైజాం ఏరియాలో తప్ప ఇంకెక్కడా వసూళ్లు ఆశించిన స్థాయిలో లేవు. బ్రేక్ ఈవెన్‌కు ఈ సినిమా చాలా దూరం ప్రయాణించాల్సి ఉంది.

ఏ ఏరియాలో కూడా ఇప్పటిదాకా బ్రేక్ ఈవెన్ కాలేదు. సెకండ్ వీకెండ్ కాస్త ఆశాజనకంగానే ఉన్నప్పటికీ.. ‘మహర్షి’ ప్రయాణించాల్సిన దూరం అయితే చాలా ఉంది. యుఎస్, సీడెడ్ లాంటి ఏరియాల్లో ‘మహర్షి’ పెట్టుబడిలో సగమే రాబట్టాడు. ఇప్పుడెంత వసూలైందే ఇంకా అంత వసూలైతే తప్ప బయ్యర్ల పెట్టుబడి వెనక్కి రాదు.

ఈ రెండు ఏరియాల్లో బయ్యర్లకు ఐదారు కోట్ల దాకా నష్టాలు తప్పేలా కనిపించడం లేదు. లాభాలు ఆశించి హక్కులు కొంటే.. పెట్టుబడి వెనక్కి రాకపోగా, ఒకేసారి ఇంత నష్టం భరించడమంటే మాటలు కాదు. ఐతే సినిమా డిజాస్టర్ అయితే ముందు నుంచే బయ్యర్లు అలెర్ట్ అవుతారు. నిర్మాత వెంట పడతారు. నష్టపరిహారం అడుగుతారు.

కానీ చిత్ర బృందం మాత్రం ’మహర్షి’ బ్లాక్ బస్టర్ బ్లాక్ బస్టర్ అంటూ సంబరాల్లో మునిగిపోతోంది. ఆల్రెడీ ఒక సక్సెస్ మీట్ పెట్టారు. పార్టీల మీద పార్టీలు చేసుకుంటున్నారు. ఈ రోజు విజయవాడలో భారీ స్థాయిలో విజయోత్సవ సభ కూడా పెట్టుకున్నారు. ఇప్పటికే రెండుసార్లు కాలర్ ఎగరేసిన మహేష్ బాబు ఈ ఈవెంట్లో కూడా మరోసారి అదే పని చేసినా చేయొచ్చేమో. నిర్మాతలందరికీ డబ్బులు బాగానే ముట్టాయి. హీరోకూ తక్కువలో తక్కువ పాతిక కోట్లు అంది ఉంటాయి. దర్శకుడికీ సమస్య లేదు. మిగతా ఆర్టిస్టులు, టెక్నీషియన్లు అందరూ హ్యాపీనే. మధ్యలో మునుగుతున్నది బయ్యర్లే. వాళ్ల కష్టం చూడకుండా ఇలా వరుసగా సంబరాలు చేసుకుంటుంటే.. సినిమా గురించి గొప్పలు పోతుంటే వారు రగిలిపోకుండా ఉంటారా?

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English