వంశీ పైడిపల్లీ... ఈ హడావిడి దేనికి?

వంశీ పైడిపల్లీ... ఈ హడావిడి దేనికి?

మహర్షి చిత్రానికి ఓపెనింగ్స్‌ వస్తున్నాయంటే అది సినిమా గొప్పతనమే అనుకుంటే ఎలా? మహేష్‌లాంటి స్టార్‌ సినిమాకి, అన్ని అంచనాలు వచ్చిన చిత్రానికి, టాక్‌ మరీ అంత బ్యాడ్‌గా లేని దానికి సమ్మర్‌లో ఆమాత్రం వసూళ్లు రావా? అయితే అదంతా తన గొప్పతనం అన్నట్టు దర్శకుడు వంశీ పైడిపల్లి చేస్తోన్న హడావుడి ట్రోలింగ్‌కి గురవుతోంది. మహర్షి క్లాసిక్‌ అంటూ అతను ఇస్తోన్న స్టేట్‌మెంట్స్‌పై దారుణమైన సెటైర్లు పడుతున్నాయి.

అసలే పైడిపల్లి అత్యుత్సాహం చూపిస్తూ వుంటే, మహేష్‌ కూడా అతనికి వంత పాడుతూ ఎన్నడూ లేనిది ముద్దులు కూడా పెడుతున్నాడు. పైడిపల్లి గత చిత్రం ఊపిరి నిజంగా క్లాసిక్‌. అది రీమేక్‌ అయినా కానీ దానిని అతను మన ఎమోషన్లకి తగ్గట్టు మలచిన విధానం నిజంగా సూపర్బ్‌. అలాంటి సినిమా గురించి ఎంత మాట్లాడినా ఫర్వాలేదు కానీ మహేష్‌ ఆల్రెడీ చేసిన సినిమాల కథల్ని కలిపి, అర్థం లేని యాక్షన్‌ని జోడించి ఇదేదో కళాఖండం అంటూ వుంటూనే కామెడీ అవుతోంది. పైడిపల్లి తదుపరి చిత్రం ఎవరితో వుంటుందనేది కూడా అతని అత్యుత్సాహం నేపథ్యంలో హాట్‌ టాపిక్‌గా మారింది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English