మహర్షి సాధించాడు.. చాలా లేటుగా

 మహర్షి సాధించాడు.. చాలా లేటుగా

సూపర్ స్టార్ మహేష్ బాబును ఓవర్సీస్ కింగ్ అంటారు. అతడికి యుఎస్ బాక్సాఫీస్‌లో చాలా రికార్డులే ఉన్నాయి. అక్కడ మిలియన్ డాలర్ల మూవీ అందించిన తొలి తెలుగు హీరో మహేషే. మిలియన్ డాలర్స్ అన్నది అతడికి కేక్ వాక్ అయిపోయింది. ‘స్పైడర్’ సినిమాతో ప్రిమియర్లతోనే ఈ మార్కును అందుకున్నాడు మహేష్.

అతడి గత సినిమా ‘భరత్ అనే నేను’ ప్రిమియర్ల తర్వాతి రోజు ఈ మైలురాయిని అందుకుంది. మహేష్ కొత్త సినిమా ‘మహర్షి’పై ఉన్న అంచనాల ప్రకారం చూస్తే ప్రిమియర్లతోనే మిలియన్ మార్కుకు చేరువ అవుతుందని అనుకున్నారు. కానీ అందుకోసం ఈ సినిమా శనివారం వరకు ఆగాల్సి వచ్చింది.

ప్రిమియర్లతో 5.09 లక్షల డాలర్లే వసూలు చేయగలిగిన ‘మహర్షి’.. గురువారం రిలీజ్ రోజు 1.77 లక్షల డాలర్లతో సరిపెట్టుకుంది. శుక్రవారం కొంచెం మెరుగైన ‘మహర్షి’ 2.3 లక్షల డాలర్లు రాబట్టింది. ప్రిమియర్ డే తర్వాత మూడవ రోజుకు ఈ చిత్రం మిలియన్ మార్కును టచ్ చేసింది. పబ్లిసిటీ ఖర్చు సహా దాదాపు రూ.14 కోట్లు పెట్టుబడి పెట్టిర డిస్ట్ర్రిబ్యూషన్ సంస్థకు ఈ వసూళ్లు కొంత ఆందోళన కలిగించేవే. ఈ చిత్రం బ్రేక్ ఈవెన్‌కు రావాలంటే 2.5 మిలియన్ డాలర్లు వసూలు చేయాలి.

వీకెండ్ అయ్యేసరికి ‘మహర్షి’ 1.5 మిలియన్ మార్కును అందుకోవచ్చని అంచనా వేస్తున్నారు. తర్వాత వీక్ డేస్‌లో సినిమా ఏమాత్రం నిలబడుతుందో చూడాలి. ఈ సినిమాపై ముందు ఉన్న అంచనాల ప్రకారం తొలి వారాంతంలోనే 2 మిలియన్ల దాకా వసూలు చేస్తుందని అనుకున్నారు. ఐతే యుఎస్ ఆడియన్స్ రివ్యూలు చూసి కానీ సినిమాలకు వెళ్లరు. ఈ చిత్రానికి మిక్స్ టాక్, రివ్యూలు రావడం ప్రతికూలంగా మారింది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English