మహేష్ థియేటర్లో మహేష్ సినిమా మహేష్ చూస్తే..

మహేష్ థియేటర్లో మహేష్ సినిమా మహేష్ చూస్తే..

దక్షిణాదిన మహేష్ బాబు స్థాయిలో సినిమాయేతర ఆదాయం ఆర్జిస్తున్న హీరో మరొకరు కనిపించరు. మన హీరోలు ప్రకటనల్లో నటించడాన్ని చాలా తేలిగ్గా తీసుకుంటుున్న రోజుల్లో అతను దీనిపై బాగా ఫోకస్ పెట్టాడు. ఇబ్బడిముబ్బడిగా ప్రకటనలు చేశాడు. ప్రస్తుతం రెండంకెల సంఖ్యలో బ్రాండ్లకు ప్రచారకర్తగా ఉన్నాడు.

ఇది చాలదన్నట్లు థియేటర్ల బిజినెస్‌లోకి కూడా దిగాడతను. ఏషియన్ సినిమాస్ అధినేత సునీల్ నారంగ్‌తో కలిసి ‘ఏఎంబీ సినిమాస్’ పేరుతో అతను హైదరాబాద్‌లోని గచ్చిబౌలిలో భారీ మల్టీప్లెక్స్ నిర్మించిన సంగతి తెలిసిందే. ఇది చాలా వేగంగా పాపులర్ అయింది. ప్రస్తుతం తెలుగు రాష్ట్రాల్లో ఇందులో ఉన్నంత టికెట్ల డిమాండ్ మరెక్కడా లేదు.

ఈ మల్టీప్లెక్స్ ఆరంభించిన రోజు తర్వాత మహేష్ బాబు మళ్లీ దాని ప్రాంగణంలో కనిపించలేదు. అసలతను ఇప్పటిదాకా తన థియేటర్లలో సినిమానే చూడలేదు. ఎట్టకేలకు మహేష్ ఆదివారం నాడు ఏఎంబీకి వచ్చి ‘ఎవెంజర్స్: ది ఎండ్ గేమ్’ సినిమా చూశాడు. ఇది చాలా మంచి అనుభవం అంటూ ట్వీట్ కూడా చేశాడు. ఐతే మహేష్ తన థియేటర్లో వేరే సినిమా చూడటంలో విశేషం ఏముందిలే. తన థియేటర్లో తన సినిమానే చూస్తే అప్పుడుంటుంది మజా.

మహేష్ ఫ్యాన్స్ సైతం అతడి థియేటర్లో తమ హీరో సినిమా చూడాలని ఉత్కంఠగా ఎదురు చూస్తున్నారు. ఇక మహేష్ సైతం తన థియేటర్లో తన సినిమానే చూడటానికి తప్పకుండా వస్తాడనడంలో సందేహం లేదు. సినిమా రిలీజై తొలి వారాంతంలోనే ఏఎంబీలో ‘మహర్షి’ చూసేందుకు మహేష్ వస్తాడని సమాచారం.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English