బాలయ్య కోసం ఎక్స్‌ట్రా ఎఫర్ట్స్‌ లేవు

బాలయ్య కోసం ఎక్స్‌ట్రా ఎఫర్ట్స్‌ లేవు

బాలకృష్ణ మలి చిత్రం బోయపాటి శ్రీను దర్శకత్వంలో రూపొందాల్సి వుండగా, అతను ఇంకా కథ సిద్ధం చేయలేదని బాలయ్య మరో చిత్రానికి గ్రీన్‌ సిగ్నల్‌ ఇచ్చాడు. కె.ఎస్‌. రవికుమార్‌తో బాలకృష్ణ సినిమా అనౌన్స్‌ అవడంతో బోయపాటి శ్రీను హర్ట్‌ అయ్యాడు. బాలకృష్ణ కోసం కథ రెడీ చేస్తూ ఆయన ఖాళీ అయ్యేవరకు ఎదురు చూసే పని లేదని, వేరే చిత్రానికి ప్రయత్నాలు మొదలు పెట్టాడు. వినయ విధేయ రామ తర్వాత అగ్ర హీరోలు తనతో పని చేయడానికి తటపటాయిస్తూ వుండడంతో యువ హీరోతో తన స్టయిల్‌ మాస్‌ సినిమా చేయడానికి బోయపాటి శ్రీను ప్లాన్‌ చేస్తున్నాడు.

బాలకృష్ణని మెప్పించడం కోసం ఒక ఆరు నెలలు కథపై కసరత్తు చేయడం, ఆ తర్వాత కూడా ఆయన ఆమోదిస్తేనే సినిమా చేయడం లాంటివి బోయపాటి పెట్టుకోవడం లేదు. బాలయ్యకి కుదిరినప్పుడే తనతో చేస్తాడంటూ తన పనిలో తాను బిజీ అయిపోయాడు. వినయ విధేయ రామ పరాజయాన్ని బోయపాటి లైట్‌ తీసుకుంటున్నాడు. అది అనుకోకుండా జరిగిన పొరపాటే తప్ప తనలో సత్తా ఏమీ తగ్గలేదని, అది అతి త్వరలో తదుపరి చిత్రంతోనే నిరూపిస్తానని అంటున్నాడు. అయితే బోయపాటి ఏ హీరోతో తన తదుపరి చిత్రం చేస్తాడనే దానిపై మాత్రం ఇంకా క్లారిటీ రాలేదు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English