Gulte Telugu
త‌మిళ‌నాట విజ‌య్ ఎప్ప‌ట్నుంచో టాప్ స్టార్ల‌లో ఒక‌డిగా ఉన్నాడు కానీ.. గ‌త అయిదారేళ్ల‌లో అత‌ను తన ఫాలోయింగ్, క్రేజ్‌ను విస్త‌రించిన తీరు అనూహ్యం. త‌మిళంలోనే కాక సౌత్ ఇండియాలోనే ర‌జినీకాంత్‌ను మించిన స్టార్ లేడు, ఇక రాడు అనుకుంటున్న స‌మ‌యంలో విజ‌య్ వ‌రుస బ్లాక్‌బ‌స్ట‌ర్ల‌తో తన స్థాయిని అమాంతం పెంచుకున్నాడు.
అత‌డి సినిమాల బిజినెస్, క‌లెక్ష‌న్లు అనూహ్యంగా పెరుగుతూ వ‌చ్చాయి. త‌మిళ‌నాడు అవ‌త‌ల కూడా అత‌డి ఫాలోయింగ్ పెరిగింది. అదే స‌మ‌యంలో ర‌జినీకాంత్ సినిమాలు వ‌రుస‌గా ఫెయిల‌వుతూ వ‌చ్చాయి. చూస్తుండ‌గానే ర‌జినీని మించిన స్టార్ అయిపోయాడు విజ‌య్. అత‌డి కొత్త సినిమా మాస్ట‌ర్ మీద అంచ‌నాలు మామూలుగా లేవు. ప‌ది నెల‌ల నుంచి ఈ సినిమా విడుద‌ల కోసం ఎదురు చూస్తున్నారు. దీనికి బిజినెస్ ఓ రేంజిలో జ‌రిగింది. ఎప్పుడు విడుద‌లైనా ఈ సినిమా వ‌సూళ్ల మోత మోగించ‌డం, కొత్త రికార్డులు నెల‌కొల్ప‌డం ఖాయ‌మ‌నే అనుకుంటున్నారు.
క‌రోనా విరామం త‌ర్వాత మంచి సినిమా వ‌స్తే థియేట‌ర్ల‌లో చూడాల‌ని త‌మిళ ప్రేక్ష‌కులు త‌హ‌త‌హ‌లాడుతుండ‌గా.. మాస్ట‌ర్ లాంటి భారీ చిత్రం విడుద‌ల కానుండ‌టం వారి ఉత్సాహాన్ని రెట్టింపు చేస్తోంది. ఆవురావురుమ‌ని ఉన్న వారికి మాస్ట‌ర్ విందు భోజ‌నం అవుతుంద‌ని భావిస్తున్నారు. త‌మిళ‌నాడులో ఇప్ప‌టిదాకా ఏ చిత్రాన్ని విడుద‌ల చేయ‌ని స్థాయిలో దీన్ని రిలీజ్ చేయ‌బోతున్నారు. అందులోనూ 100 పర్సంట్ ఆక్యుపెన్సీకి త‌మిళ‌నాడు తాజాగా అనుమ‌తులు ఇవ్వ‌డం మాస్ట‌ర్‌కు మామూలు బూస్ట్ కాదు.
మెజారిటీ థియేట‌ర్ల‌లో సినిమా రిలీజ‌వుతుండ‌గా.. ఆక్యుపెన్సీ ప‌రంగానూ ఇబ్బంది లేక‌పోవ‌డంతో క‌లెక్ష‌న్ల మోత మామూలుగా ఉండ‌ద‌ని అంచ‌నా వేస్తున్నారు. అన్నీ క‌లిసొస్తున్న నేప‌థ్యంలో ఈ సినిమా సౌత్ ఇండియాలో నాన్-బాహుబ‌లి రికార్డుల‌న్నింటినీ బ‌ద్ద‌లు కొట్టే అవ‌కాశాలు క‌నిపిస్తున్నాయి. జ‌న‌వ‌రి 13న ఈ చిత్రం విడుద‌లవుతున్న సంగ‌తి తెలిసిందే.
