నక్క పేడతో కాఫీ.. ఏంటయ్యా పూరి ఇది?

నక్క పేడతో కాఫీ.. ఏంటయ్యా పూరి ఇది?

క్యాపుచినో.. ఎస్ర్పెసో.. ఇటువంటి పేర్లతో వచ్చే కాఫీల గురించి మీరు చాలా వినే ఉంటారు. అయితే ఇప్పుడు కొతగా కోపా లువాక్ అంటూ ఒక కాఫీ ప్రపంచంలో చెక్కర్లు కొడుతోంది. దీనిని సింపుల్ గా ఇంగ్లీషులో ఫాక్స్ డంగ్ కాఫీ అంటారు. అంటే 'నక్క పేడ కాఫీ' అనమాట. ప్రస్తుతం దర్శకుడు పూరి జగన్ తాగుతున్న ఈ కాఫీ ఇప్పుడు టాలీవుడ్లో సడన్ గా ఆయన ట్వీటు పుణ్యంతో ఫేమస్ అయ్యింది.

అడవిలో ఉండే ఓ జాతి నక్క.. దానిని సివెట్ క్యాట్ అంటారు.. అది కాఫీ చెట్లను తినేస్తుంటుంది. అయితే దాని కడుపులో అంతా అరుగుతుంది కాని.. కాఫీ గింజలు మాత్రం అరగవు. ఇక నక్క పేడ వేయగానే.. దానిని కలక్ట్ చేసి.. ఆ పేడలోనుండి గింజలను తీసి.. వాటితో మళ్లీ కాఫీ బీన్స్ తయారు చేస్తారు. అదే ఈ కోపా లువాక్. ఆ నక్క కడుపులో ఉండే రసాయనాలు క్రిములు కారణంగా కాఫీ బీన్స్ కు కొత్త రకం రుచి వస్తుందట. అయితే ఇవి న్యాచురల్ గా అడవిలో నక్కలు తినిపాడేస్తే పర్లేదు కాని.. చాలా నక్కలను బోనుల్లో పెంచి.. వాటితో బలవంతంగా కాఫీ మొక్కలు తినిపించి.. వాటి పేడను సేకరించి.. వాటి నుండి గింజలను తీసి.. రోస్ట్ చేసి.. ఆ కాఫీని కేజి 60 వేల వరకు అమ్మేస్తుంటారు. ఇదేదో ఫారిన్లో మాత్రమే చేస్తున్నారు అనుకోకుండి.. కర్ణాటకలోని కూర్గ్ అడవుల్లో కూడా ఈ నక్క పేడ కాఫీ తయారుచేస్తున్నారులే.

అసలు ఇదంతా తెలుసుకున్నాక ఈ కాఫీ తాగాలంటే కాస్త యాక్ అనిపిస్తుంది. కాని దర్శకుడు పూరి జగన్ మాత్రం తనకు ఇంతటి ఖరీదైన కాఫీ పొడిని తెచ్చిచ్చిన తన హీరో రామ్ ను పొగుడుతూ.. దాని గురించి నెట్లో రీసెర్చ్ చేసుకోండి మైండ్ బ్లాంక్ అవుతుంది అని చెప్పాడు. ఆ రీసెర్చ్ చేశాక మాత్రం.. కనీసం మామూలు కాఫీ కూడా ఓ నాలుగు రోజులు ఎవ్వరూ తాగరు.. ఆ రేంజులో ఉంది సివెట్ కాఫీ తాలూకు ఇంపాక్ట్. కాని ఆ కాఫీ తాగేవాళ్లు దానిని తెగ లాగించేస్తున్నారు సుమీ!

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English