మ‌హేష్‌, పూజా ప్రేమ‌గా కౌగిలి..

మ‌హేష్‌, పూజా ప్రేమ‌గా కౌగిలి..

ఎంత పెద్ద సినిమా అయినా.. ఎంత క్రేజున్నా.. విడుద‌ల‌కు చాలా ముందు నుంచి ఒక ప‌ద్ధ‌తి ప్ర‌కారం ప్ర‌మోష‌న్లు చేయాల్సిందే. త‌ర‌చుగా సినిమా నుంచి ఏదో ఒక విశేషం బ‌య‌ట పెడుతూ ఉండాలి. అభిమానుల్ని ఎంగేజ్ చేస్తూ.. సినిమాను వార్త‌ల్లో నిల‌బెడుతూ ఉండాలి. పాజిటివ్ బ‌జ్ పెంచుతుండాలి. తెలుగులో త‌ర్వాత రాబోయే అతి పెద్ద సినిమా "మ‌హ‌ర్షి" టీం కూడా జాగ్ర‌త్త‌గా సినిమాను ప్ర‌మోట్ చేస్తోంది. మొద‌ట టైటిల్.. ఆ త‌ర్వాత ఫ‌స్ట్ లుక్.. ఆపై ఫ‌స్ట్ టీజ‌ర్.. ఇలా ఒక్కొక్క‌టే రిలీజ్ చేశారు. మ‌ధ్య‌లో నూత‌న సంవ‌త్స‌ర కానుగా ఇంకో డిఫ‌రెంట్ లుక్ వ‌దిలారు.

ఇప్పుడు ఈ చిత్రం నుంచి మ‌రో లుక్ బ‌య‌టికి వ‌చ్చింది. ఇప్ప‌టిదాకా మ‌హేష్ లుక్ మాత్ర‌మే చూపిస్తూ వ‌చ్చారు. తొలిసారిగా రెండో పాత్ర‌ను ప‌రిచ‌యం చేశారు. "మ‌హ‌ర్షి"లో క‌థానాయిక‌గా న‌టిస్తున్న పూజా హెగ్డే కూడా ఉంది కొత్త పోస్ట‌ర్లో. మ‌హేష్‌, పూజా ప్రేమ‌గా కౌగిలించుకుంటున్న చిత్ర‌మ‌ది.

ఇద్ద‌రికీ జోడీ చ‌క్క‌గా కుదిరింద‌ని పోస్ట‌ర్ చూస్తే అర్థ‌మ‌వుతోంది. కెరీర్లో ఎన్న‌డూ లేని విధంగా మీసం, గ‌డ్డంతో  మ‌హేష్ ఆక‌ట్టుకుంటున్నాడు ఈ లుక్‌లో. ఫ‌స్ట్ లుక్‌లో కంటే ఇందులో బాగున్నాడు. గ్లామ‌ర్ విష‌యంలో అత‌డి ముందు పూజా కొంచెం దిగువ‌నే ఉంటుంద‌న‌డంలో సందేహం లేదు.

 వంశీ పైడిప‌ల్లి ద‌ర్శ‌క‌త్వంలో తెర‌కెక్కుతున్న ఈ చిత్రంలో అల్ల‌రి న‌రేష్ ఓ కీల‌క పాత్ర చేస్తున్న సంగ‌తి తెలిసిందే. త్వ‌ర‌లోనే అత‌డి ఫ‌స్ట్ లుక్ లాంచ్ చేయ‌బోతున్నార‌ట‌. ఇంకో 80 రోజుల్లో.. అంటే ఏప్రిల్ 25న "మ‌హ‌ర్షి" ప్రేక్ష‌కుల ముందుకు రానుంది. అగ్ర నిర్మాత‌లు దిల్ రాజు, అశ్వినీద‌త్‌, పీవీపీ క‌లిసి ఈ చిత్రాన్ని నిర్మిస్తున్నారు. దేవిశ్రీ ప్ర‌సాద్ సంగీతం స‌మ‌కూరుస్తున్నాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English