బోయపాటి నాశనం చేసాడు!

బోయపాటి నాశనం చేసాడు!

'వినయ విధేయ రామ' బిజినెస్‌ క్లోజింగ్‌ స్టేజ్‌కి చేరుకుంది. నైజాంలో బిజినెస్‌ పూర్తిగా క్లోజ్‌ అయిపోగా, ఆంధ్రప్రదేశ్‌లో ఇంకా షేర్స్‌ వస్తున్నాయి. అయితే మరో కోటీ, రెండు కోట్లతో ఈ సినిమా బిజినెస్‌ ఎండ్‌ అవుతుంది. అంటే రమారమి అరవై అయిదు కోట్ల షేర్‌ వస్తుందన్నమాట. అంటే రామ్‌ చరణ్‌ చిత్రాల్లో దీనికి వసూళ్ల పరంగా మూడవ స్థానం దక్కింది. కానీ జరిగిన బిజినెస్‌తో సరి పోల్చుకుంటే ఇది చాలా తక్కువ. దాదాపు పాతిక కోట్ల వరకు లాస్‌ కనిపిస్తోంది. భయంకరమైన టాక్‌ వచ్చినపుడు కూడా అరవై అయిదు కోట్ల షేర్‌ రాబట్టుకున్న ఈ చిత్రానికి నిజంగా హిట్‌ టాక్‌ వచ్చినట్టయితే వసూళ్లు ఎలా వుండేవని అభిమానులు ఊహించుకుంటున్నారు.

ఇలాంటి టాక్‌తోనే ఇంత వరకు వచ్చిన చిత్రం అంచనాలకి తగ్గట్టు నిలబడినట్టయితే చరణ్‌కి మరో వంద కోట్ల చిత్రమయ్యేదని అంటున్నారు. బోయపాటి ఒక సువర్ణావకాశాన్ని చేజేతులా నాశనం చేసాడని మండి పడుతున్నారు. గత ఏడాది సంక్రాంతికి త్రివిక్రమ్‌ మెగా అభిమానులకి అజ్ఞాతవాసితో షాక్‌ ఇస్తే, ఈ ఏడాదికి బోయపాటి ఆ బాధ్యతలు తీసుకున్నాడు. ఎఫ్‌2 లాంటి బ్లాక్‌బస్టర్‌తో పాటు మరో రెండు డీసెంట్‌ టాక్‌ వచ్చిన సినిమాల నడుమ కూడా చరణ్‌ తన సత్తా చాటుకున్నాడు. కానీ బోయపాటి మరీ అధ్వాన్నమైన చిత్రం తెరకెక్కించడంతో వినయ విధేయ రాముడు విజయం మాత్రం సాధించలేకపోయాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English