ప్రభాస్‌ సినిమా 'మనం' కథకి ఎక్స్‌టెన్షన్‌?

ప్రభాస్‌ సినిమా 'మనం' కథకి ఎక్స్‌టెన్షన్‌?

ప్రభాస్‌ 'సాహో' షూటింగ్‌ ఇంకా బ్యాలెన్స్‌ వుండగా మరో చిత్రాన్ని మొదలు పెట్టిన సంగతి తెలిసిందే. సాహో చిత్ర దర్శకుడు ప్రస్తుతం విఎఫ్‌ఎక్స్‌ పనులని పర్యవేక్షిస్తూ వుండడంతో రాధాకృష్ణ కుమార్‌ దర్శకత్వంలో ప్రభాస్‌ ఓ చిత్రం స్టార్ట్‌ చేసాడు. పీరియడ్‌ లవ్‌స్టోరీ అయిన ఈ చిత్రంలో ప్రభాస్‌ ఒక అపర శ్రీమంతుడిగా కనిపిస్తాడు. వింటేజ్‌ కార్లు కొనడం అతడికి హాబీ. ఓ అపర శ్రీమంతుడు ఒక సాధారణ అమ్మాయితో ప్రేమలో పడినపుడు ఎదురైన సంఘటనల నేపథ్యంలో ఈ చిత్రం రూపొందుతోంది. ఇందులో కథానాయికగా పూజా హెగ్డే నటిస్తోంది.

అయితే ఈ స్టోరీ లైన్‌ వింటే మనం సినిమాలో నాగార్జున, శ్రియల ట్రాక్‌ గుర్తుకొస్తోంది. కొన్ని నిమిషాల పాటు వుండే ఆ త్రెడ్‌ని ఎక్స్‌టెండ్‌ చేసి ప్రభాస్‌ సినిమాకి కథ రాసారా లేక ఇది కేవలం కోఇన్సిడెన్స్‌ మాత్రమేనా అనేది చూడాలి. జిల్‌ చిత్రం చూసి రాధాకృష్ణ కుమార్‌తో సినిమా చేస్తానని ప్రభాస్‌ మాట ఇచ్చాడు. మొదట్లో అతను వేరే కథ రాసుకున్నాడు కానీ బాహుబలితో ప్రభాస్‌ రేంజ్‌ మారిన తర్వాత మొత్తం ఇండియన్‌ సినిమా మార్కెట్‌కి అనుగుణంగా ఈ కథ సిద్ధం చేసారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English