అక్కడ చిట్టి 2.0 సూపర్‌ హిట్టు

అక్కడ చిట్టి 2.0 సూపర్‌ హిట్టు

శంకర్‌ తీసిన సైన్స్‌ ఫిక్షన్‌ యాక్షన్‌ కామెడీ 2.0 దక్షిణాదిలో ఊపేస్తుంది కానీ హిందీలో మాత్రం ఫెయిలవుతుందని విడుదలకి ముందు అంచనా వేసారు. కానీ దక్షిణాది భాషల్లో కంటే 2.0 హిందీలోనే బ్రహ్మాండంగా ఆడుతోంది.

తొలి అయిదు రోజుల్లో నూట పదమూడు కోట్ల నెట్‌ వసూళ్లు సాధించిన ఈ చిత్రం ఈ రోజుతో హిందీలో బ్రేక్‌ ఈవెన్‌ అయిపోతుంది. 120 కోట్లు నెట్‌ వసూలు చేస్తే హిందీ వెర్షన్‌ హిట్‌ అయినట్టే. ఆ లాంఛనం నేటితో పూర్తయిపోతుంది. ఇంకా సూపర్‌గా రన్‌ అవుతోంది కనుక ఫుల్‌ రన్‌తో నూట ఎనభై నుంచి రెండు వందల కోట్ల నెట్‌ వసూళ్ల వరకు సాధించే అవకాశముంది.

అక్షయ్‌కుమార్‌ చిత్రాల్లో అత్యధిక వసూళ్లు సాధించిన సినిమాగా 'రౌడీ రాథోడ్‌' నిలిచింది. 132 కోట్ల ఆ చిత్రం రికార్డుని 2.0 తొలి వారం ముగిసేసరికి దాటనుంది. హిందీ మార్కెట్‌లో అదరగొడుతున్న 2.0 తెలుగు రాష్ట్రాల్లో ఇప్పటికి యాభై శాతం మాత్రమే వెనక్కి రాబట్టుకుంది. అందుకే వచ్చే వారాంతం ఈ చిత్రానికి చాలా కీలకమవుతుంది.

అలాగే తమిళనాడులో వంద కోట్లకి బిజినెస్‌ జరిగింది కానీ ఇప్పటికీ ముప్పయ్‌ అయిదు శాతమే తిరిగి వచ్చింది. రజనీకాంత్‌, శంకర్‌ సినిమా తమిళనాడులో ప్రభావం చూపించలేకపోవడం తల పండిన ట్రేడ్‌ పండితులనే విస్మయానికి గురి చేస్తోంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English