స్పైడర్‌ ఫ్లాప్‌ అయినా ఫరక్‌ పడలేదు

స్పైడర్‌ ఫ్లాప్‌ అయినా ఫరక్‌ పడలేదు

స్పైడర్‌ చిత్రంతో మురుగదాస్‌ దారుణంగా నిరాశ పరచినా కానీ అతనిపై ట్రేడ్‌లో నమ్మకం సడలినట్టు లేదు. విజయ్‌కి ఇక్కడ అంతగా మార్కెట్‌ లేకపోయినా కానీ మురుగదాస్‌ పేరు మీద 'సర్కార్‌' చిత్రానికి మంచి గిరాకీ ఏర్పడింది. ఇంతవరకు విజయ్‌కి తెలుగులో అయిదు కోట్లు వసూలు చేసిన సినిమా లేదు. అయినా కానీ సర్కార్‌ చిత్రం హక్కులు తీసుకున్న వాళ్లు దానిని వివిధ ఏరియాలకి ఏడున్నర కోట్లకి అమ్మేసి లాభాలు చేసుకున్నారు. తెలుగునాట పాగా వేయాలని ఎప్పట్నుంచో కాచుకుని కూర్చున్న విజయ్‌ 'సర్కార్‌'తో అయినా ఆ కల నెరవేర్చుకుంటాడేమో చూడాలి.

ఏడున్నర కోట్లు వసూలు చేయడానికి మురుగదాస్‌ బ్రాండింగ్‌ దోహదపడుతుంది కానీ తొలి రోజు వచ్చే టాక్‌ మీద సినిమా భవిష్యత్తు డిపెండ్‌ అవుతుంది. తెలుగులో ఇలా వుంటే అటు తమిళంలో మాత్రం ఈ చిత్రం కోసం చొక్కాలు చిరిగిపోయేలా వున్నాయి. వరుసగా రెండు బ్లాక్‌బస్టర్లు ఇచ్చిన కాంబినేషన్‌ కావడంతో సర్కార్‌పై అంచనాలు తారాస్థాయిలో వున్నాయి. తమిళ చిత్ర సీమలోని రికార్డులు అన్నిటినీ ఇది తిరగరాస్తుందని నమ్ముతున్నారు. స్పైడర్‌తో పోయిన పరువుని మురుగదాస్‌ మళ్లీ ఈ చిత్రంతో తిరిగి సాధించుకుంటాడా?

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English