ఈ హీరో మన నాని టైపు

ఈ హీరో మన నాని టైపు

బ్యాక్‌గ్రౌండ్‌ లేకుండా వచ్చి సక్సెస్‌ అవడం తెలుగు చిత్ర పరిశ్రమలో అయినా సాధ్యమేమో కానీ హిందీ చిత్ర పరిశ్రమలో వారసత్వం రాజ్యమేలుతూ వుంటుంది. అక్కడ పెద్ద బ్యానర్లన్నీ ఎవరో ఒక హీరో లేదా హీరోయిన్‌ పిల్లల్ని పెంచి పోషిస్తుంటాయి. అలాంటి చోట ఉనికి చాటుకోవడం, స్టార్‌గా ఎదగడం మాటలు కాదు. కేవలం కథల ఎంపికలో తనకున్న గ్రిప్‌తో ఆయుష్మాన్‌ ఖురానా ఇప్పుడు పెద్ద స్టార్‌ అయ్యాడు. 'విక్కీ డోనర్‌' అనే సంచలన చిత్రంతో హీరోగా పరిచయం అయిన ఆయుష్మాన్‌ అక్కడ్నుంచి మంచి కథలు ఎంచుకుంటూ అంచెలంచెలుగా ఎదిగాడు.

మధ్యలో ఒకటి రెండు పరాజయాలు వచ్చినా కానీ హీరోగా నిలకడ చూపించాడు. బరైలీ కీ బర్ఫీ చిత్రంతో గత ఏడాది విజయాన్ని అందుకున్న ఆయుష్మాన్‌ ఈ యేడాదిలో రెండు వారాల గ్యాప్‌లో రెండు బ్లాక్‌బస్టర్లు ఇచ్చాడు. అంధాధూన్‌, బదాయి హో చిత్రాలు బాక్సాఫీస్‌ వద్ద పెద్ద హిట్లు అవడంతో ఇప్పుడు అతను హాట్‌ టాపిక్‌ అయ్యాడు. నాని ఎలాగైతే ఒక్కసారిగా మిడ్‌ రేంజ్‌ హీరోల్లో టాప్‌కి చేరిపోయాడో ఇప్పుడు ఖురానాకి అంత డిమాండ్‌ వుంది. మంచి గాయకుడు కూడా అయిన ఖురానా ఈ సక్సెస్‌ని క్యాష్‌ చేసుకునేందుకు చూడకుండా ఎప్పటిలా కథలు నమ్ముకుంటూ హీరోగా కాక ఒక పాత్రగానే కనిపిస్తానని చెబుతున్నాడు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English