డాలర్ల తుపాన్.. రూపాయల సునామీ

డాలర్ల తుపాన్.. రూపాయల సునామీ

విడుదలై పది రోజులు దాటినా.. ఈ వారం ఒకటికి నాలుగు సినిమాలు రిలీజైనా ‘గీత గోవిందం’ జోరు తగ్గట్లేదు. రెండో వారాంతంలోనూ ఈ చిత్రం అదరగొట్టేసింది. ఇటు తెలుగు రాష్ట్రాల్లో.. అటు అమెరికాలో ‘గీత గోవిందం’ రెండో వారం వసూళ్లు చూస్తే షాకవ్వాల్సిందే.

మొన్నటిదాకా ఈ చిత్రం ఫుల్ రన్లో రూ.50 కోట్ల మార్కును అందుకుంటుందని.. అమెరికాలో 2 మిలియన్ క్లబ్బులో చేరుతుందని అంచనా వేశారు. కానీ ‘గీత గోవిందం’ ఆ అంచనాల్ని దాటి దూసుకెళ్తోోంది. రెండో వారాంతం ముగిసేసరికే ఈ చిత్రం ఆ రెండు మైలు రాళ్లనూ దాటేసింది. అమెరికాలో శనివారానికే ‘గీత గోవిందం’ 2 మిలియన్ మార్కును టచ్ చేసింది.

ఆదివారం షోలన్నీ అయ్యేసరికి దీని వసూళ్లు 2.2 మిలియన్ల వరకు ఉంటాయని అంచనా వేస్తున్నారు. ఇక ఓవరాల్ వసూళ్లు దాదాపుగా రూ.50 కోట్ల షేర్ మార్కును టచ్ చేసేశాయి. ఇప్పుడు టార్గెట్ మారిపోయింది. రూ.60 కోట్ల షేర్ సాధించినా ఆశ్చర్యం లేదనిపిస్తోంది. రాబోయే వారంలో కూడా ఈ సినిమా హవా కొనసాగడం ఖాయంగా కనిపిస్తోంది.

గురువారం ‘నర్తనశాల’, శుక్రవారం ‘పేపర్ బాయ్’ రిలీజవుతున్నాయి. అవి చిన్న స్థాయి సినిమాలే. వాటి టాక్ ఎలా ఉన్నా.. ఈ వారమంతా కూడా చెప్పుకోదగ్గ స్థాయిలోనే ‘గీత గోవిందం’ షేర్ రాబట్టేలా ఉంది. కాబట్టి ఫుల్ రన్లో రూ.60 కోట్ల షేర్.. అమెరికాలో 2.5 మిలియన్ మార్కును అందుకున్నా ఆశ్చర్యం లేదు.

 

రాజకీయ వార్తలు

 

సినిమా వార్తలు