ఇక్కడ మంచు లక్ష్మి.. అక్కడ విశాల్

ఇక్కడ మంచు లక్ష్మి.. అక్కడ విశాల్

మంచు లక్ష్మీప్రసన్నకు సినిమాల్లో సరిగా కలిసి రాకపోయినా.. బుల్లితెరపై మాత్రం ఆమెకు మంచి రికార్డే ఉంది. ఇంతకుముందు ఆమె నిర్వహించిన ‘లక్ష్మీ టాక్ షో’కు మంచి విజయమే సాధించింది. తర్వాత దూసుకెళ్తా అనే కార్యక్రమంతో కొన్నాళ్లు సందడి చేసింది లక్ష్మి. ఆపై ఆమె మొదలుపెట్టిన ‘మేము సైతం’ మంచి స్పందన తెచ్చుకుంది.

ఈ కార్యక్రమంలో సెలబ్రెటీల్ని ఇన్వాల్వ్ చేయడం ద్వారా అభాగ్యుల్ని ఆదుకునేందుకు లక్ష్మి చేసే ప్రయత్నం ప్రశంసలందుకుంది. ఈ ప్రోగ్రాం స్ఫూర్తితో తమిళంలో ఒక షో రాబోతున్నట్లు సమాచారం. దానికి స్టార్ హీరో విశాల్ హోస్ట్‌గా వ్యవహరిస్తాడన్న వార్త ఆసక్తి రేకెత్తిస్తోంది.

‘మేము సైతం’ తరహాలోనే సమస్యల్లో ఉన్న సామాన్యుల్ని ఆదుకోవడానికి ఒక టీవీ ఛానెల్‌తో కలిసి ఒక కార్యక్రమం ప్లాన్ చేశాడట విశాల్. నడిగర్ సంఘం కార్యదర్శిగా, నిర్మాతల మండలి అధ్యక్షుడిగా తమిళ సినీ పరిశ్రమలో మంచి పట్టున్న విశాల్.. ఈ కార్యక్రమంలో సెలబ్రెటీలను భాగస్వాముల్ని చేసి అభాగ్యులను ఆదుకోవాలని డిసైడయ్యాడట. విశాల్ ఈ కార్యక్రమం చేస్తే తెలుగులో కంటే కూడా మంచి స్పందన వస్తుందనడంలో సందేహం లేదు.
రాజకీయాల్లోకి రావడానికి తహతహలాడుతున్న విశాల్‌కు ఈ ప్రోగ్రాం బాగా ఉపయోగపడుతుందని.. జనాల్లో ఇమేజ్ పెంచుకునే ప్రయత్నంలో భాగంగానే అతను ఈ కార్యక్రమం ప్లాన్ చేశాడని అంటున్నారు. ఐతే అతడి ఉద్దేశం ఏదైనప్పటికీ విశాల్ బేసిగ్గా నిజాయితీ పరుడు, జనాలకు ఏదో చేయాలని తపిస్తాడనే అభిప్రాయం అయితే కోలీవుడ్‌తో పాటు సామాన్య జనాల్లోనూ ఉన్న మాట వాస్తవం.

 

రాజకీయ వార్తలు

 

సినిమా వార్తలు