స‌ల్మాన్‌కు ఆ స‌త్తా లేద‌ట‌!

స‌ల్మాన్‌కు ఆ స‌త్తా లేద‌ట‌!

బాలీవుడ్ కండ‌ల వీరుడు స‌ల్మాన్ ఖాన్ పెళ్లి ఎప్పుడు? ఈ ప్ర‌శ్న చాలా ఏళ్ల నుంచే వినిపిస్తోంది. ఏళ్లుగా బ్యాచిలర్‌గానే నెట్టుకొచ్చేస్తున్న మ‌నోడికి గ‌ర్ల్ ఫ్రెండుల‌కు మాత్రం కొద‌వే లేద‌ని చెప్పాలి. బాలీవుడ్ లో ఓ మెరుపు మెరిసిన సంగీతా బిజిలానీతో మొదలుపెట్టుకుంటే... ఐశ‌్వ‌ర్యారాయ్‌, క‌త్రినా కైఫ్‌.. ఇలా చెప్పుకుంటూ పోతే జాబితా పెద్దదిగానే ఉంది. అయితే వీరంద‌రితో ఏ మేర ప్రేమాయ‌ణం న‌డిపినా... పెళ్లి దాకా ఆ సంబంధాల‌ను తీసుకురావ‌డంలో మాత్రం స‌ల్మాన్ సాహ‌సం చేయ‌లేక‌పోయాడు.

అయినా పెళ్లి చేసుకోవ‌డానికి స‌ల్మాన్‌కు ఇష్టం ఉందా?  లేదా? అన్న అనుమానాలు కూడా లేక‌పోలేదు. ఈ దిశ‌గా ప‌లు రూమ‌ర్లు బాలీవుడ్ లో షికారు చేస్తూనే ఉన్నాయి. అయితే వీట‌న్నింటికీ చెక్ పెట్టేస్తే... పెళ్లి చేసుకునే శ‌క్తి త‌న‌కు లేదంటూ స‌ల్మాన్ తేల్చి చెప్పేశాడు. ఈ మాట చెప్పేందుకు చాలా మంది జంకుతారు గానీ.. స‌ల్మాన్ మాత్రం ఏమాత్రం జంకూ బొంకూ లేకుండానే ఈ మాట చెప్పేశాడు. పెళ్లి చేసుకొనే శ‌క్తి లేద‌న్న స‌ల్మాన్ మాట‌ను ఇంకో కోణంలో అర్థం చేసుకోవాల్సిన ప‌ని లేదు. ఎందుంక‌టే... స‌ల్మాన్ త‌న‌కు శ‌క్తి లేద‌న్న‌ది పెళ్లికి అయ్యే ఖ‌ర్చుకు సంబంధించి.

అయినా స‌ల్మాన్ త‌న పెళ్లి, ఆ పెళ్లి చేసుకునేందుకు త‌న‌కు శ‌క్తి లేద‌ని చేసిన కామెంట్లు ఎలా సాగాయ‌న్న విష‌యానికి వ‌స్తే... *వివాహం అనేది ఖర్చుతో కూడుకున్న వ్యవహారం. నా తండ్రి వివాహానికి రూ.180 ఖర్చు అయ్యింది. కానీ, ఇప్పుడు పెళ్లిళ్లంటేనే లక్షల నుంచి కోట్లతో ముడిపడిన వ్యవహారం. ఓ మంచి అమ్మాయిని వెతకటం దగ్గరి నుంచే ఈ ఖర్చు ప్రారంభమౌతుంది. వివాహానికి... ఆ తర్వాత భార్య కోసం కూడా అదే స్థాయిలో ఖర్చులు చేయాల్సి ఉంటుంది. అదంతా భరించటం నా వల్ల కాదు. నాకా శక్తి లేదు. అందుకే నేను ఇంకా ఒంటరిగానే ఉన్నా* అంటూ స‌ల్మాన్ త‌న‌దైన స్టైల్లో ఇంట‌రెస్టింగ్ కామెంట్లు చేశాడు. అయితే ఫోర్బ్స్‌ లిస్ట్‌ లో అగ్రస్థానంలో ఉన్న ఓ సెలబ్రిటీ‌, పైగా  2014లో సోదరి అర్పిత వివాహాం కోసం కోట్లు కుమ్మరించి దేశంలోనే అత్యంత విలాసవంతమైన ఫలక్‌నుమా ప్యాలెస్‌లో వేడుకలు నిర్వహించిన సల్మాన్‌ నోట ఇలాంటి మాట రావటం కాస్త కామెడీగా ఉందన్న కామెంట్లు వినిపిస్తున్నాయి.


 

రాజకీయ వార్తలు

 

సినిమా వార్తలు