అతనికి క్లాస్‌ పీకిన చిరంజీవి!

అతనికి క్లాస్‌ పీకిన చిరంజీవి!

చిరంజీవి పేరు మీద ఇప్పటికి చాలా మంది హీరోలొచ్చారు. మెగా ఫ్యామిలీ నుంచి ఒక క్రికెట్‌ టీమ్‌కి సరిపడా జనమే దిగారంటూ జోకులు కూడా పేలుతున్నాయి. అయితే ఎంత మంది హీరోలు వచ్చినా కానీ దాదాపు అందరూ సేఫ్‌ హీరోలు అనిపించుకుని మార్కెట్‌ ఏర్పరచుకోవడంతో ఇంతకాలం అంత సమస్య అనిపించలేదు.

కానీ సాయిధరమ్‌ తేజ్‌ లాంటి వాళ్లు వరుసపెట్టి ఫ్లాపులు ఇస్తూ వుండడంతో మెగా ఫ్యామిలీని హోల్‌సేల్‌గా విమర్శిస్తున్నారు. ఇంతమంది హీరోలని దించితే ఇలాగే అవుతుంది అంటూ మీడియా కూడా వేలెత్తి చూపిస్తోంది. ఇంతకాలం ఎవరు ఏమి చేస్తున్నారనేది అంతగా పట్టించుకోని చిరంజీవి 'ఇంటిలిజెంట్‌' పరాజయం తర్వాత మాత్రం మేనల్లుడికి క్లాస్‌ పీకాడట.

 తను చేసే సినిమాలు ఫ్లాప్‌ అయితే కుటుంబ ఇమేజ్‌కి కూడా నష్టం వస్తుందని, జాగ్రత్తగా వుండమని చెప్పాడట. అలాగే తన సినిమాల పాటలు అవసరం లేకుండా రీమిక్స్‌ చేయడం లాంటివి కూడా మానుకోవాలని సున్నితంగానే హెచ్చరించాడట.

ఇంటిలిజెంట్‌ సినిమాలో 'చమక్‌ చమక్‌ చాం' పాటని పూర్తిగా ఖూనీ చేసిన సంగతి తెలిసిందే. చిరంజీవి అటెన్షన్‌ పే చేస్తున్నాడు కనుక ఇక సాయి ధరమ్‌ తేజ్‌ జాగ్రత్త పడాల్సిందే.