సంక్రాంతికి అస‌లు 'అజ్ఞాత‌వాసి' వ‌స్తున్నాడ‌ట‌!

సంక్రాంతికి అస‌లు 'అజ్ఞాత‌వాసి' వ‌స్తున్నాడ‌ట‌!

ప‌వ‌ర్ స్టార్ ప‌వ‌న్ క‌ల్యాణ్, మాట‌ల మాంత్రికుడు త్రివిక్ర‌మ్ శ్రీ‌నివాస్ ల కాంబోలో తెర‌కెక్కిన `అజ్ఞాత‌వాసి`తొలిరోజు మంచి క‌లెక్ష‌న్ల‌ను సాధించి డివైడ్ టాక్ తెచ్చుకున్న సంగ‌తి తెలిసిందే. అయితే, ఈ సినిమాలో విక్ట‌రీ వెంక‌టేష్ ఓ పాత్ర పోషించాడ‌ని, ఓ యాక్ష‌న్ సీన్ లో వెంకీ ఇంట్ర‌డ‌క్ష‌న్ ఉంటుంద‌ని టాక్ వ‌చ్చింది. అందుకు త‌గ్గ‌ట్లే టైటిల్ కార్డ్స్ లో వెంకీ కి థ్యాంక్స్ కూడా చెప్పారు. అయితే, ఆ సినిమా పూర్త‌య్యాక అస‌లు `అజ్ఞాత‌వాసి` వెంకీ అని ఆడియ‌న్స్ కు అర్థ‌మైంది. వెంకటేష్‌ నటించిన సీన్ ని రెండో వారంలో యాడ్ చేయాల‌ని ద‌ర్శ‌క‌నిర్మాత‌లు భావించార‌ని టాక్ వ‌చ్చింది. అయితే, ప్ర‌స్తుతానికి ఈ చిత్రానికి మిక్స్ డ్ టాక్ రావ‌డంతో ఆ సీన్ న సంక్రాంతి పండుగ కానుక‌గా యాడ్ చేయాల‌ని తాజాగా ఫిక్స్ అయ్యారు.

ఫిక్స్ అవ‌డ‌మే కాదు..ఆ సీన్ల‌కు వెంకీ, ప‌వ‌న్ లు డ‌బ్బింగ్ చెబుతున్న వీడియోను హారిక అండ్ హాసిని క్రియేష‌న్స్ త‌మ ఫేస్‌బుక్ ఖాతాలో పోస్ట్ చేసింది. వెంకీ ప‌క్క‌న ప‌వ‌న్ కూర్చొని స‌ర‌దాగా ఆ డైలాగులు చెబుతున్న వీడియో సోష‌ల్ మీడియాలో వైర‌ల్ అయింది. 'గురు గారూ.. గురూ గారు' అని ప‌వ‌న్ డైలాగ్ చెప్ప‌గానే......... 'గారు అక్క‌ర్లేద‌మ్మా.. గురు చాలు..' అని వెంక‌టేశ్ పంచ్ డైలాగ్ చెప్ప‌గానే అక్క‌డున్న వారంతా ప‌గ‌ల‌బ‌డి న‌వ్వుతారు. ఆ వెంట‌నే.... 'నాక్కొంచం తిక్కుంది' అని ప‌వ‌న్ చెప్పిన డైలాగ్ కు 'దానికో లెక్కుంది.... అదీ.. అదీ డైలాగు' అని వెంక‌టేశ్ ఫ‌న్నీగా కౌంట‌ర్ ఇస్తాడు.ఇంటర్వెల్ కు ముందు కీర్తి సురేష్ తో కలిసి పవన్ వెళ్తుండగా.. మార్కెట్లో అతడిపై ఎటాక్ జ‌రిగిన సీన్ లో వెంకీ ఇంట్ర‌డ‌క్ష‌న్ ఉంటుంద‌ట‌. మహాభారత పారాయణం జరుగుతుండ‌గా.....ఆ నెరేష‌న్ కి త‌గ్గ‌ట్లు పవన్ గుట్టు చ‌ప్పుడు కాకుండా కిరాయి హంత‌కులంద‌రినీ చంపేస్తాడు. ఆ సీన్ కాగానే వెంకీ పోలీస్ జీపులో ఎంట్రీ  ఇస్తాడ‌ట‌. ఇదంతా ఎవరు చేశారు అని వెంకీ అడగ్గానే....తానే చేశాన‌ని ప‌వన్ చెప్ప‌డం...వారిద్ద‌రి మ‌ధ్య గ‌బ్బ‌ర్ సింగ్ డైలాగులు ...ఉంటాయ‌ని టాక్ వినిపిస్తోంది. ఆ సీన్ క‌లిపిన త‌ర్వాత కూడా అజ్ఞాత‌వాసి క‌లెక్ష‌న్ల‌లో పెద్ద‌గా మార్పులు రాక‌పోవ‌చ్చ‌ని ట్రేడ్ వ‌ర్గాల అంచ‌నా!

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English