వ్యాక్సిన్ వేయించుకున్న వరుడు కావలెను..!

పెళ్లి కావాల్సిన యువతీ యువకులు తమకు ఎలాంటి క్వాలిటీస్ ఉన్న జీవిత భాగస్వామి కావాలో తెలియజేస్తూ.. ‘ వరుడు కావలెను’, ‘ వధువు కావలెను’ అంటూ ప్రకటనలు ఇస్తూ ఉంటారు. ఇది చాలా సర్వసాధారణం. గత కొన్ని సంవత్సరాలుగా ఇలాంటి ప్రకటనలు మనం చూసే ఉంటాం. అయితే.. తాజాగా ఓ వధువు తనకు కాబోయే వాడిలో ఉండే క్వాలిటీస్ లో ఓ కండీషన్ పెట్టింది.

మూమూలుగా అయితే.. తెల్లగా ఉండాలి.. ఆరు అడుగులుండాలి.. ఇన్ని లక్షల జీతం ఉండాలి అని చాలా మంది అడగుతారు. అయితే.. ఈ అమ్మాయి మాత్రం.. అబ్బాయి కరోనా వ్యాక్సిన్ వేయించుకొని ఉండాలని కండిషన్ పెట్టింది. దీంతో.. ఇప్పుడు ఆ ప్రకటన వైరల్ గా మారింది.

అది కూడా.. కోవిషీల్డ్ వ్యాక్సిన్ వేసుకున్న అబ్బాయే కావాలట. తాను కోవీషీల్డ్ వ్యాక్సిన్ తీసుకున్నానని.. అలాగే తాను చేసుకోవాలి అనుకుంటున్న యువకుడు కూడా కోవీషీల్డ్ రెండు డోసులు తీసుకొని ఉండాలంటూ కండిషన్ పెట్టింది. ఇప్పుడు ఆ పెళ్లి ప్రకటన నెట్టింట అందరినీ ఆకట్టుకుంటోంది. ఆమె పెళ్లి ప్రకటనను కాంగ్రెస్ సీనియర్ లీడర్ శశిథరూర్ సోషల్ మీడియాలో షేర్ చేయడంతో.. ఇది ఇప్పుడు అందరి కంటా పడింది.

కాబోయే వరుడి కోసం ఆమె చేసిన క్రియేటివ్‌ ఆలోచన ఫన్నీగా నవ్వులు కురిపిస్తోంది. అంతే కాదండోయ్‌ వరుడులో ఏయే క్వాలిటీస్ ఉండాలో స్పష్టంగా చెప్పి.. పైన పేర్కొన్న అర్హతలు ఉన్నవారు సంప్రదించవచ్చని వాట్సాప్ నెంబర్ కూడా ఇవ్వడం గమనార్హం.