చరణ్‌ హోల్డ్‌లో పెట్టేసాడు

చరణ్‌ హోల్డ్‌లో పెట్టేసాడు

సుకుమార్‌తో 'రంగస్థలం 1985' చేస్తోన్న చరణ్‌ ఆ తర్వాత కూడా ఒకటి రెండు ప్రయోగాత్మక చిత్రాలే చేయాలని అనుకున్నాడు. కానీ మిగతా హీరోలు ప్రతి సినిమాతోను మరింతగా తమ స్టార్‌డమ్‌ పెంచుకుంటోన్న దశలో తాను పూర్తిగా ఎక్స్‌పెరిమెంట్స్‌ మీద దృష్టి పెట్టడం మంచిది కాదని చరణ్‌ రియలైజ్‌ అయ్యాడట.

ఫాన్స్‌తో పాటు చిరంజీవి కూడా ఈ విషయంలో చరణ్‌ని గైడ్‌ చేసినట్టు ఇన్‌సైడ్‌ సమాచారం. అందుకే మణిరత్నంతో చేద్దామని అనుకున్న చిత్రాన్ని చరణ్‌ హోల్డ్‌లో పెట్టాడని, ఆ చిత్రం ఇప్పట్లో మొదలు కాకపోవచ్చునని, అసలు మెటీరియలైజ్‌ కాకపోయినా ఆశ్చర్యం లేదని చరణ్‌ వర్గాల ద్వారా తెలిసింది. రంగస్థలం చిత్రం విషయంలో కూడా ఫాన్స్‌ బెంగ పడాల్సిన పని లేదని, ప్రయోగంలా అనిపిస్తున్నప్పటికీ అందరినీ అలరించే అంశాలుంటాయని, ఇది సుకుమార్‌ తీస్తోన్న పక్కా మాస్‌ సినిమా అని చరణ్‌ కాన్ఫిడెంట్‌గా చెబుతున్నాడట. ఇది తన కెరియర్‌లో ప్రత్యేక చిత్రమవడమే కాకుండా తనకి భారీ విజయాన్ని కూడా అందిస్తుందని అతను నమ్మకంగా వున్నాడట.

సుక్కూ సినిమా తర్వాత ఏది చేయాలనే దానిపై మాత్రం చరణ్‌ ఇంకా నిర్ణయానికి రాలేదు. ఎన్టీఆర్‌, అల్లు అర్జున్‌, ప్రభాస్‌ల కన్సిస్టెన్సీ చరణ్‌పై ఒత్తిడి పెంచిందనే మాట నిజమేనని అతని ప్రణాళికని బట్టి స్పష్టమవుతోంది.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English