ఆ సినిమా ఇప్పుడైనా బయటికొస్తుందా?

ఆ సినిమా ఇప్పుడైనా బయటికొస్తుందా?

తడాఖా బాగా ఆడుతున్న నేపథ్యంలో అక్కినేని అభిమానుల్లో కొత్త ఆశలు చిగురిస్తున్నాయి. ఎన్నో ఆశలు పెట్టుకున్న ఆటోనగర్‌ సూర్య నిర్మాణం ఆగిపోవడం, ఆ చిత్రం రిలీజ్‌ కాకపోవడం అభిమానుల్ని తీవ్రంగా బాధిస్తోంది. ప్రస్థానం చిత్రంతో దర్శకుడిగా ఎంతో పేరు తెచ్చుకున్న దేవా కట్టా దర్శకత్వం వహించడంతో దీనిపై అంచనాలు బాగా ఉన్నాయి.

అయితే ఆర్‌.ఆర్‌. మూవీ మేకర్స్‌ సంస్థ ఆర్థిక ఇబ్బందుల్లో కూరుకుపోయి ఈ చిత్రాన్ని పూర్తి చేయకుండా నిలిపేసింది. దాంతో చైతన్య, దేవా కట్టా కూడా వేరే సినిమాలతో బిజీ అయిపోయారు. చైతన్య గత చిత్రాల పరాజయాలు కూడా 'ఆటోనగర్‌ సూర్య' ఆగిపోవడానికి పరోక్షంగా కారణాలయ్యాయి.

తడాఖాతో అతనికి మళ్లీ కాస్త ఊపు వచ్చింది కాబట్టి ఈ చిత్రాన్ని ఇప్పుడు రిలీజ్‌కి రెడీ చేయడం ఉత్తమం. ఈ టైమ్‌లో వస్తే బయ్యర్స్‌తో పాటు ఆడియన్స్‌ కూడా ఎక్కువ ఆసక్తి చూపిస్తారు. మరి అప్పుల ఊబిలో కూరుకుపోయి ఉన్న సదరు నిర్మాతలు ఈ చిత్రాన్ని రిలీజ్‌ చేసే ఉద్దేశంతో ఉన్నారో లేదో తెలీడం లేదు.

 

రాజకీయ వార్తలు

 

సినిమా వార్తలు