ఇప్పటికే పోస్టర్లు.. టీజర్లు.. సాంగ్ ప్రోమోలతో ఆసక్తి రేకెత్తించింది 'సాహసం శ్వాసగా సాగిపో". ఇప్పుడిక ఈ మూవీ ట్రైలర్ కూడా వచ్చేసింది. ఒకటిన్నర నిమిషం ఉన్న ట్రైలర్.. కూడా టీజర్ తరహాలోనే ఉంది. ముందు రొమాంటిక్ యాంగిల్ చూపించి.. ఆ తర్వాత వయొలెంట్ పార్ట్ చూపించాడు దర్శకుడు గౌతమ్ మీనన్.

హీరోయిన్ మాంజిమా మోహన్ హీరో చైతూను చెంపదెబ్బ కొట్టే షాట్ తో మొదలై.. ఆ తర్వాత ఇద్దరి మధ్య రొమాంటిక్ డైలాగులతో సాగిపోయి.. ఒక్కసారిగా మలుపు తీసుకుంది ట్రైలర్. మామూలు జీవితం గడిపే కుర్రాడు ఉన్నట్లుండి ఓ సమస్యలో చిక్కుకుని.. మొండిగా పోరాడి ఆ సమస్య నుంచి బయటపడే కథాంశంతో తెరకెక్కిన సినిమాలా అనిపిస్తోంది.

చైతూకు ఇది కచ్చితంగా మెమొరబుల్ మూవీ అయ్యేలా ఉంది. కొత్తమ్మాయి మాంజిమా మోహన్ అంత గొప్పగా ఏమీ అనిపించట్లేదు ఈ ట్రైలర్లో. రెహమాన్ బ్యాగ్రౌండ్ స్కోర్ ట్రైలర్లో చెప్పుకోవాల్సిన మేజర్ హైలైట్. గౌతమ్ తమిళంలో ఈ సినిమాను శింబు హీరోగా తెరకెక్కిస్తున్న సంగతి తెలిసిందే. జూన్ 17న ఆడియోను.. జులై 15న 'సాహసం శ్వాసగా సాగిపో"ను రిలీజ్ చేయబోతున్నారు. ఈ ట్రైలర్ ను 'అఆ" సినిమాతో పాటు ప్రదర్శించబోతుండటం విశేషం.

CLick Here to Watch The Trailer