Gulte Telugu Telugu Political and Movie News Updates
కె.జి.ఎఫ్‍. దర్శకుడు ప్రశాంత్‍ నీల్‍తో ప్రభాస్‍ చేసే ‘సలార్‍’ చిత్రం అతనే తీసిన కన్నడ సినిమా ‘ఉగ్రమ్‍’కి రీమేక్‍ అనేది తెలిసే వుంటుంది. ఆ సినిమా సగటు మాస్‍ సినిమాలానే వుంటుంది కదా, ఎందుకని ప్రభాస్‍ అంత ముచ్చటపడి చేస్తున్నాడనేది ఫాన్స్కి అంతు చిక్కడం లేదు. అయితే ప్రశాంత్‍ నీల్‍ ఆ కథను ఇప్పటి ప్రభాస్‍ ఇమేజ్‍కు అనుగుణంగా మార్చాడట. రెండు పెద్ద మాఫియా గ్రూపులతో తలపడి స్నేహితుడి కోసం పగ తీర్చుకునే వాడిగా ప్రభాస్‍ ఇందులో కనిపిస్తాడట.
‘సలార్‍’ అంటే ఉర్దూలో నాయకుడు అని అర్థం. ఈ చిత్రానికి ‘బాషా’ మాదిరి ట్రీట్‍మెంట్‍ ప్రశాంత్‍ నీల్‍ ఇచ్చాడని, అతను రాసిన ఎలివేషన్‍ సీన్స్ మాస్‍ని ఉర్రూతలూగించేలా వుంటాయని సమాచారం. ఇదిలావుంటే పాన్‍ ఇండియా సినిమాలంటే అన్నీ భారీ చిత్రాలు, గ్రాఫిక్స్ ప్రధాన సినిమాలే చేయాలా, లేక ఇలాంటి మాస్‍ సినిమాలను చేసినా పాన్‍ ఇండియా ఆడియన్స్ తనను యాక్సెప్ట్ చేస్తారా అనేది టెస్ట్ చేసుకోవడానికి ప్రభాస్‍ ఈ ప్రాజెక్ట్ చేస్తున్నాడట. ఒకవేళ సలార్‍కి అంతటా ఆదరణ బాగుంటే ఇక మన స్టార్‍ దర్శకులైన త్రివిక్రమ్‍, కొరటాల శివ లాంటి వాళ్లతోనే మాస్‍ సినిమాలు చేసి పాన్‍ ఇండియా మార్కెట్‍లో విడుదల చేయాలనేది ఆలోచన అట. ఒక విధంగా ఇది ప్రభాస్‍ చేస్తోన్న ప్రయోగాత్మక మాస్‍ ప్రయత్నమన్నమాట.
