Gulte Telugu
ఎప్పుడు విడుదల అవుతుందా అని ఈ సంవత్సరం ఎదురు చూసే చిత్రాల్లో మొదట వరసలో నిలబడేది “కేజీయఫ్ 2”. కరోనా గొడవ లేకపోతే ఈ సినిమా రిలీజ్ కు ముస్తాబు అవుతూండేది. లాక్ డౌన్, సెకండ్ వేవ్ లేకుండా ఉంటే ఈ పాటికే విడుదల కావాల్సి ఉన్న ఈ భారీ చిత్రానికి సంబందించిన ఓ అప్డేట్ ఇప్పుడు సినీ లవర్స్ ని ఉత్సాహ పరుస్తోంది. ఈ సినిమాలో యాక్షన్ సీక్వెన్స్ లు ఎలాగో అదిరిపోయాయి. ఈ విషయం పార్ట్ వన్ చూసిన వాళ్లకు వేరేగా చెప్పక్కర్లేదు. కాబట్టి ఇంకేదో కావాలి. అంతకు మించి ఉండకపోతే అబ్బే సినిమాలో ఏమీ లేదు అని తల తిప్పేస్తారు..పెదవి విరిచేస్తారు.
మాస్ పల్స్ తెలిసిన దర్శకుడు ప్రశాంత్ నీల్ కు ఈ విషయం తెలుసు. అందుకే ఈ సారి సినిమాలో ఉన్న యాక్షన్ ఎపిసోడ్స్ కు థీటుగా రెండు ఐటెం సాంగ్స్ ని ప్లాన్ చేసారట. ఫస్టాఫ్ లో ఒకటి వస్తే సెకండాఫ్ లో మరొకటి వస్తుందిట. ఈ రెండు సాంగ్స్ లో ఒకదాంట్లో జాక్వలిన్ ఫెర్నాండేజ్ మరొకదాంట్లో నోరా ఫతేహి చేయబోతోందిట. ఇందుకోసం స్పెషల్ గా కొరియోగ్రఫీని డిజైన్ చేయమని పురమాయించారట.
ఇవన్నీ చూస్తూంటే… ఈ సినిమా ఎప్పుడు విడుదలైనా ఎవరూ ఊహించని, కనీ వినీ ఎరుగని ఫిగర్స్ ను భాక్సాఫీస్ దగ్గర ఫస్ట్ రోజు నమోదు చేయటం ఖాయం. శ్రీనిధి శెట్టి హీరోయిన్ గా నటించిన ఈ చిత్రంలో సంజయ్ దత్, ప్రకాష్ రాజ్, రావు రమేష్ లాంటి అగ్ర తారాగణంతో తెరకెక్కింది. బాలీవుడ్‌ స్టార్‌ నటుడు సంజరు దత్ అధీరా అనే పవర్ ఫుల్‌ రోల్‌లో నటిస్తుండగా హోంబేల్‌ ఫిల్మ్స్‌ వారు భారీ వ్యయంతో నిర్మిస్తున్నారు. ఈ సినిమా పీరియాడిక్ డ్రామా.
