హోమ్ క్వారంటైన్ తప్పదు బిగ్ బాస్!

బిగ్ బాస్ సీజన్ 4 ఈ నెలాఖరు నుంచి మొదలు కానుంది. ఇప్పటికే ఈ సీజన్లో ఎవరు పాల్గొంటారనేది ఖరారైపోయింది. కానీ కంటెస్టెంట్స్ ఎవరనే సస్పెన్స్ బాగా మెయింటైన్ చేస్తోంది స్టార్ మా నెట్వర్క్. ఇదిలా వుంటే ఇందులో పాల్గొనే కంటెస్టెంట్స్ తో పాటు ఈ షోకి పని చేసే క్రూ అందరినీ పద్నాలుగు రోజుల హోమ్ క్వారంటైన్ లో ఉంచుతున్నారు. కరోనా పాజిటివ్ ఉన్నా, లేకున్నా ఇదైతే కంపల్సరీ అట.

హోమ్ క్వారంటైన్ అంటే ఆ 14 రోజుల పాటు వాళ్లందరికీ వేరే వాళ్ళతో కాంటాక్ట్ ఉండదు. వాళ్ళ కుటుంబ సభ్యులతో సహా అందరికీ దూరంగా ఉండాల్సిందే. తర్వాత మరోసారి కరోనా టెస్ట్ తీసుకుని అటునుంచి అటే బిగ్ బాస్ హౌస్ లోకి పంపిస్తారు. ఈ షోపై స్టార్ మా చాలా ఆశలు పెట్టుకుంది.

కరోనా లాక్ డౌన్ వల్ల షూటింగ్స్ నిలిచిపోయి, తీవ్ర నష్టాలు చవిచూసిన స్టార్ మా ఈసారి బిగ్ బాస్ కి మాములుగా కంటే ఎక్కువ వ్యూయర్షిప్ ఉంటుందని ఆశిస్తోంది. అందుకే తక్కువ రోజులకు ఎక్కువ ఖర్చవుతున్నా కానీ ఈ సీజన్ ని ప్రతిష్టాత్మకంగా తీసుకుంది.