వర్మ ‘చీప్’ ట్రిక్స్ కి మంగళం పాడేశారు!

ఇంటర్నెట్ లో సినిమాలు విడుదల చేయడానికి ఓటిటి ప్లాట్ ఫామ్ దొరికితే అక్కడ విడుదలయ్యే సినిమాలకు ప్రమాణాలు ఉండాలి కనుక పే పర్ వ్యూ పద్ధతిలో కొన్న వారికే సినిమా అంటూ వర్మ సినిమాల నిర్మాణం మొదలు పెట్టాడు. అచ్చంగ సినిమాల లాంటివి తీస్తే బానే ఉండేది. కానీ వేగంగా అతి తక్కువ ఖర్చుతో తీసేసి డబ్బులు దండుకోవాలని వర్మ ఎత్తు వేసాడు.

అందుకే పూర్తి నిడివి సినిమాలు కాకుండా.. ఇరవై నిముషాలు, నలభై నిమిషాల వీడియోలు తీసి వాటినే సినిమాలంటూ రిలీజ్ చేస్తున్నాడు. అయితే ఇలాంటివి కొని చూసేంత వెర్రోళ్ళు కాదుగా జనాలు. అందుకే పైరసీలో చూసేస్తున్నారు. వర్మ తీసేవి సినిమాలైతే ఇంటర్నెట్ లో డౌన్ లోడ్ చేయడం అదంతా పెద్ద పనయ్యేది. కానీ తక్కువ నిడివి వీడియోలు కావడంతో వాట్సాప్ లోనే షేర్ చేసేస్తున్నారు.

వర్మ తీసిన నగ్నం వీడియో అయితే పోర్న్ వెబ్ సైట్లలో పెట్టారు. చీప్ గా తీసేసి క్యాష్ చేసేసుకుందాం అనుకున్న వర్మ ప్లాన్స్ కి ఇలా మంగళం పడేసారు పైరేట్లు. ఇకనైనా ఈ వేదికకు తగ్గ సినిమాలు చేస్తాడో… లేక ఇంకా తన పప్పులు ఉడుకుతాయనే అనుకుంటాడో మరి?